తాను చేయబోయే ప్రాజెక్ట్ తో ఫ్యాన్స్, ఆడియన్స్, బిజినెస్ వర్గాల్లో క్యూరియాసిటీ క్రియేట్ చేయడం పవన్ స్టైల్. కథ నచ్చితే సినిమా చేయడమే ఆయన స్టైల్. ప్రస్తుతం పవన్ కల్యాణ్ పొలిటికల్ గా చాలా బిజీ. అయినా.. సినిమాలపై కూడా దృష్టి పెట్టారు. ఫ్యాన్స్, ఆడియన్స్ కోసం ఎంటర్ టైన్మెంట్ సినిమాలు చేసినా సమాజాన్ని ప్రభావితం చేసే సినిమాలపై ఆయన ఆయనకు ఆసక్తి ఎక్కువ. కథాంశం అలా లేకపోయినా సినిమాలో ఒక పాట లేదా పాటలో సన్నివేశాలతోనే ఆయన మెసేజ్ ఇస్తూంటారు. ఇప్పుడు రాజకీయాల్లో ఉన్నారు కాబట్టి ఆ తరహా కథలు వస్తే ఇంట్రెస్ట్ చూపిస్తారనడంలో సందేహం లేదు. ప్రస్తుతం దర్శకుడు సురేందర్ రెడ్డి ఈ తరహా ప్రయత్నమే చేస్తున్నట్టు తెలుస్తోంది.
పవన్ స్నేహితుడిగా పేరున్న రామ్ తాళ్లూరి నిర్మాతగా పవన్ కల్యాణ్ ఓ సినిమా చేస్తున్నారు. ఈ విషయాన్ని గతంలోనే అఫీషియల్ గా అనౌన్స్ చేశారు. ఈ సినిమా పట్టాలెక్కేందుకు సమయం ఉన్నా పవన్ కు నచ్చే కథపై ప్రస్తుతం సురేందర్ రెడ్డి వర్క్ చేస్తున్నట్టు తెలుస్తోంది. పవన్ తో పొలిటికల్ బ్యాక్ డ్రాప్ తో సినిమా కోసం కథ ప్రిపేర్ చేస్తున్నట్టు ఇండస్ట్రీలో ఓ వార్త రౌండ్ అవుతోంది. ప్రస్తుత రాజకీయ వ్యవస్థ, వ్యవస్థలోని లోపాలు, సామాజిక బాధ్యత అనే అంశాలతో ఈ కథ రాస్తున్నారని తెలుస్తోంది. పవన్ కు పొలిటికల్ గా మైలేజ్ ఇచ్చేందుకు ఈ సినిమా ఉపయోగపడేలా కథ ఉండబోతోందని అంటున్నారు. ప్రస్తుతం ఈ వార్త టీ టౌన్ లో వైరల్ అవుతోంది.
దీనిపై సురేందర్ రెడ్డి టీమ్ క్లారిటీ ఇవ్వాల్సి ఉంది. సురేందర్ రెడ్డి త్వరలోనే ఈ కథను పూర్తిస్థాయిలో రాసుకుని పవన్ కు వినిపించబోతున్నారని అంటున్నారు. స్టైలిష్ డైరక్టర్ గా పేరున్న సురేందర్ రెడ్డి రామ్ చరణ్ తో థృవ, మెగాస్టార్ చిరంజీవితో సైరా.. నరసింహారెడ్డి సినిమాలు తీసీ సూపర్ హిట్లు ఇచ్చారు. దీంతో పవన్ తో సురేందర్ రెడ్డి ప్రాజెక్టుపై కూడా అంచనాలు భారీగానే ఉన్నాయి.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!