Acharya : ప్రస్తుతం తెలుగు సినిమా ఇండస్ట్రీ మొత్తం ఆచార్య సినిమా గురించి మాట్లాడుతుంది. రాజకీయాలు అనంతరం తిరిగి సినిమాలు చేస్తున్న మెగాస్టార్ వరుస సినిమాలతో దూసుకుపోతున్నాడు.ఈ క్రమంలోనే ప్రముఖ దర్శకుడు కొరటాల శివ దర్శకత్వంలో ఓ సినిమా తెరకెక్కుతున్న విషయం మనకు తెలిసిందే. ఇప్పటికే ఈ సినిమాకు సంబంధించిన టీజర్ విడుదల కావడంతో ఈ సినిమాపై అంచనాలు రోజురోజుకు పెరుగుతున్నాయి. ఈ టీజర్ లో చిరంజీవి చెప్పే డైలాగులు, ప్రేక్షకులను ఎంతగానో ఆకట్టుకున్నాయి. ఈ టీజర్ చూసిన అభిమానులు అసలు ఈ ఆచార్య ఎవరు? ఎందుకు ఈ విధంగా అందరికీ సహాయం చేస్తున్నాడు? ఈ విధంగా చేయడానికి గల కారణాలు ఏమిటి అనే ఆలోచనలో పడ్డారు.
ఇక ఆచార్య సినిమాలో మెగాస్టార్ మాత్రమే సందడి చేయకుండా, మెగాపవర్ స్టార్ కూడా నటించడం ఈ సినిమాకు మరింత హైలెట్ ఇంటర్వెల్ తర్వాత ఈ సినిమాలో రామ్ చరణ్ ఎంట్రీ ఇవ్వనున్నట్లు తెలుస్తోంది. సిద్ధ పాత్ర ద్వారా ఈ సినిమాలో రామ్ చరణ్ కనువిందు చేయనున్నాడు. ఈ సినిమాలో రామ్ చరణ్ నటించిన ఆ పాత్ర ఎంతో కీలకమైనదని, రామ్ చరణ్ ఎంట్రీ కూడా అదిరిపోయే విధంగా ఇచ్చారని, రామ్ చరణ్ ఎంట్రీ ఇచ్చే సీన్ చూస్తే నిజంగానే ప్రేక్షకుల కుదురుగా కూర్చోకుండా విజిల్స్ తో ప్రేక్షకులు సందడి చేయడం గ్యారెంటీ అన్ని చిత్రబృందం తెలియజేస్తోంది.
ఈ సినిమాకు రామ్ చరణ్ పాత్ర ఎంతో హైలెట్ గా ఉంటుందని, అసలు ఆచార్య ఈ విధంగా ఎందుకు మారాడో అనే ఫ్లాష్ బ్యాక్ కూడా ఎంతో ఆసక్తిగా ఉంటుందని తెలియజేశారు. ప్రేక్షకులు ఎన్నో అంచనాలు పెట్టుకున్న ఆచార్య సినిమా ఎట్టకేలకు మే 13న ప్రేక్షకుల ముందుకు రానుంది. మణిశర్మ అందించిన సంగీతం కూడా ఈ సినిమాకి ప్లస్ పాయింట్ అని చెప్పవచ్చు.ఈ చిత్రంలో మెగాస్టార్ సరసన కాజల్ అగర్వాల్ నటించగా రామ్ చరణ్ సరసన పూజా హెగ్డే హీరోయిన్లుగా నటిస్తున్నారు. ఎంతో ప్రతిష్టాత్మకంగా తెరకెక్కుతున్న ఆచార్య సినిమాను నిరంజన్ రెడ్డి, రామ్ చరణ్ తేజ్ నిర్మిస్తున్నారు.