“SSMB 28” సినిమా విషయంలో “పోకిరి” సెంటిమెంట్ ఫాలో అవుతున్న త్రివిక్రమ్..!!

సూపర్ స్టార్ మహేష్ బాబు మాటల మాంత్రికుడు త్రివిక్రమ్ దర్శకత్వంలో మూడో సినిమా చేయనున్న సంగతి తెలిసిందే. “SSMB 28” వర్కింగ్ టైటిల్ తో తెరకెక్కుతున్న ఈ చిత్రానికి సంబంధించి పూజా కార్యక్రమాలు ఈ ఏడాది వేసవిలో జరిగాయి. కానీ సినిమా రెగ్యులర్ షూటింగ్ ఇప్పటివరకు స్టార్ట్ కాలేదు. సర్కారు వారి పాట విడుదలయ్యాక మహేష్ ఫ్యామిలీతో కలిసి విదేశాలకు వెళ్లడం జరిగింది. జూన్ నెల మహేష్ కుటుంబంతో కలిసి వెళ్లగా ఆగస్టు నెల రెండో వారంలో రావడం జరిగింది. అయితే ఇప్పటికి కూడా “SSMB 28” రెగ్యులర్ షూటింగ్ స్టార్ట్ కాలేదు.

ఇదంతా పక్కన పెడితే సినిమా షూటింగ్ స్టార్ట్ అవ్వకముందే లేటెస్ట్ గా “SSMB 28” 2023 ఏప్రిల్ 28వ తారీకు విడుదలవుతున్నట్లు సినిమా యూనిట్ అధికారిక ప్రకటన చేయడం జరిగింది. అయితే 2006 ఇదే తారీకు ఏప్రిల్ 28వ తారీకు సూపర్ స్టార్ మహేష్ బాబు పూరి జగన్నాథ్ దర్శకత్వంలో నటించిన పోకిరి విడుదలయ్యింది. ఇండస్ట్రీ హిట్ గా నిలిచింది. ఇప్పుడు అదే తేదీని టార్గెట్ చేసుకొని త్రివిక్రమ్ “SSMB 28” తీస్తూ ఉండటంతో.. ఈ సినిమా రిలీజ్ తేదీపై మహేష్ ఫ్యాన్స్ పోకిరి సెంటిమెంట్ త్రివిక్రమ్ ఫాలో అవుతున్నాడని కామెంట్లు చేస్తున్నారు.

త్రివిక్రమ్ దర్శకత్వంలో గతంలో మహేష్ అతడు, ఖలేజా రెండు సినిమాలు చేయడం జరిగింది. రెండు కూడా మహేష్ సినీ కెరియర్ నీ మలుపు తిప్పిన సినిమాలే. దీంతో వస్తున్న మూడో సినిమాపై మహేష్ ఫ్యాన్స్ భారీ అంచనాలు పెట్టుకున్నారు. తమన్ మ్యూజిక్ అందిస్తున్న ఈ సినిమాలో మహేష్ సరసన పూజ హెగ్డే హీరోయిన్ గా నటిస్తొంది. కేవలం ఏడు నెలలలో ఈ సినిమా షూటింగ్ కంప్లీట్ చేయాలని త్రివిక్రమ్ సరికొత్త షెడ్యూల్ వేసినట్లు సమాచారం. గత సినిమాలకు భిన్నంగా ఈ సినిమాలో కంప్లీట్ మాస్ లుక్ లో మహేష్ నీ త్రివిక్రమ్ చూపించనున్నట్లు టాక్.