Vijay Deverakonda: డాషింగ్ అండ్ డైన‌మిక్ డైరెక్ట‌ర్ పూరీ జగన్నాథ్, రౌడీ బాయ్ విజయ్ దేవ‌ర‌కొండ కాంబినేష‌న్‌లో తెర‌కెక్కిన తొలి చిత్రం `లైగ‌ర్‌`. బాక్సింగ్ బ్యాక్‌డ్రాప్‌లో రూపొందిన ఈ సినిమా ఇప్ప‌టికే షూటింగ్ పూర్తి చేసుకుని.. ఆగస్టులో విడుదల అయ్యేందుకు ముస్తాబ‌వుతోంది. ఈలోపే విజ‌య్‌తో త‌న డ్రీమ్ ప్రాజెక్ట్ అయిన `జనగణమన(JGM)`ను పూరీ అనౌన్స్ చేశాడు.
పూరి కనెక్ట్స్‌, శ్రీకర స్టూడియో పతాకాలపై దర్శకుడు వంశీ పైడిపల్లి, ఛార్మి ఈ చిత్రాన్ని నిర్మిస్తున్నారు. ఈ చిత్రం లాంచింగ్ ఈవెంట్ నేడు ముంబైలో గ్రాండ్‌గా జ‌రిగింది. ఈ ఈవెంట్‌లో సినిమా టైటిల్ పోస్ట‌ర్‌తో పాటు విడుదల తేదిని కూడా ప్ర‌క‌టించారు. అనంత‌రం చిత్ర టీమ్ మీడియాతో ఇంట్రాక్ట్ అయ్యారు.
ఈ సంద‌ర్భంగా ఓ రిపోర్ట‌ర్ `పూరి గురించి ఒక్క పదంలో వివరించండి` అంటూ ప్ర‌శ్నించాడు. అందుకు విజయ్ షాకింగ్ అన్స‌ర్ ఇచ్చి ఫ్యాన్స్‌ను ఆశ్చ‌ర్య‌ప‌రిచాడు. `పూరీ జగన్నాథ్ గారి గురించి ఒక్క మాటలో చెప్పాలంటే.. ఆయ‌న ఓ ఒరిజినల్ గ్యాంగ్ స్టార్. మనం చూసినట్టు.. వాంటెడ్, ఔర్ సింబా లాంటి ఒరిజినల్ గ్యాంగ్ స్టార్స్ పూరిలో ఇమిడి ఉన్నారు` అంటూ చెప్పుకొచ్చారు.
ప్ర‌స్తుతం ఇందుకు సంబంధించిన వీడియో సోష‌ల్ మీడియాలో వైర‌ల్‌గా మారింది. కాగా, త్వ‌ర‌లోనే సెట్స్ మీద‌కు వెళ్ల‌నున్న `జే జీ ఎం` ఆగస్ట్‌ 3, 2023న విడుదల కానుంది. ఈ సినిమాకు సంబంధించి మ‌రిన్ని వివ‌రాలు త్వ‌ర‌లోనే బ‌య‌ట‌కు రానున్నాయి.
https://www.instagram.com/reel/CbruFn2NwxY/?utm_source=ig_web_copy_link
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!