Family Star: విజయ్ దేవరకొండ హీరోగా తెరకెక్కిన ఫ్యామిలీ స్టార్ ఏప్రిల్ 5వ తారీఖు రిలీజ్ కాబోతోంది. తెలుగు, తమిళ్ భాషల్లో మొదట రిలీజ్ చేసి ఆ తర్వాత మలయాళం, హిందీ భాషల్లో విడుదల చేయబోతున్నారు. ఈ సినిమా విడుదలకు ఇంకా కొద్దిరోజులు మాత్రమే సమయం ఉండటంతో ప్రమోషన్ కార్యక్రమాలు స్పీడ్ గా జరుగుతున్నాయి. హీరో విజయ్ దేవరకొండతో పాటు హీరోయిన్ మృణాల్ ఠాకూర్ చురుగ్గా పాల్గొంటున్నారు. తెలుగుతోపాటు తమిళ్ భాషల్లో అనేక ఇంటర్వ్యూలు ఇస్తున్నారు. పక్క ఫ్యామిలీ ఎంటర్టైనర్ గా వస్తున్న ఈ సినిమాపై అనేక అంచనాలు నెలకొన్నాయి. ఇప్పటికే విడుదలైన సాంగ్స్, టీజర్, ట్రైలర్ లకు మంచి స్పందన రావడం జరిగింది.
ఇదిలా ఉంటే రేపు అనగా ఏప్రిల్ రెండవ తారీకు మంగళవారం హైదరాబాదు మైసమ్మ గూడా లోని నరసింహారెడ్డి ఇంజనీరింగ్ కాలేజ్ వేదికగా ప్రీ రిలీజ్ ఈవెంట్ నిర్వహిస్తున్నారు. ఈ క్రమంలో ఏప్రిల్ మొదటి తారీకు మీడియా ప్రతినిధులతో సినిమా యూనిట్ సమావేశం కావడం జరిగింది. ఈ సందర్భంగా సినిమాకి సంబంధించి అనేక కీలక విషయాలు తెలియజేశారు. హీరో హీరోయిన్లతో పాటు నిర్మాత దిల్ రాజు కూడా పాల్గొన్నారు. ఏప్రిల్ 5వ తారీఖు తనకి లక్కీ డేట్ అని దిల్ రాజు తెలియజేశారు. ఆ తేదీ నాడు విడుదల చేసిన ఐదు సినిమాలలో నాలుగు బ్లాక్ బస్టర్ విజయాలు సాధించాయని స్పష్టం చేయడం జరిగింది. సినిమాలో 70 శాతం ప్రేమ కథ 30% ఫ్యామిలీ ఆడియోన్స్ కి నచ్చే కంటెంట్..ఉంది.
కచ్చితంగా యూత్ మరియు ఫ్యామిలీ ఆడియోన్స్ నీ “ఫ్యామిలీ స్టార్” ఆకట్టుకుంటుంది. ఈ క్రమంలో సినిమాలో రష్మిక మందన ఉన్నట్లు వార్తలు రావడం పై నిర్మాత దిల్ రాజునీ ప్రశ్నించడం జరిగింది. దీనికి దిల్ రాజు సమాధానం ఇస్తూ.. మరి కొద్ది రోజుల్లో సినిమా విడుదల కాబోతుంది. అప్పటివరకు వెయిట్ చేయండి అని..అన్నారు. ఈ సినిమా దర్శకుడు పరుశురాం దర్శకత్వంలో విజయ్ దేవరకొండ “గీతాగోవిందం” సినిమా చేసి అద్భుతమైన విజయాన్ని అందుకున్నారు. అయితే “ఫ్యామిలీ స్టార్” స్టోరీ చెప్పిన సమయంలో మొత్తం కథ విని హీరో పాత్రలో తన తండ్రిని ఐడెంటిఫై చేసుకున్నానని అందుకే ఆ పాత్రకు తన తండ్రి పేరు గోవర్ధన్ పెట్టమని దర్శకుడికి రిక్వెస్ట్ చేసినట్లు విజయ్ దేవరకొండ తెలియజేశారు. కచ్చితంగా అన్ని వర్గాల ప్రేక్షకులను ఎంటర్టైన్ చేసే విధంగా “ఫ్యామిలీ స్టార్” ఉంటుందని అన్నారు.