Vijay Deverakonda: 2024లో హ్యాట్రిక్ కి బిగ్ ప్లాన్ వేసిన హీరో విజయ్ దేవరకొండ..!!

Vijay Deverakonda: హీరో విజయ్ దేవరకొండ గత ఏడాది “ఖుషి” సినిమాతో బిగ్ హిట్ అందుకోవటం జరిగింది. ఈ సినిమా విడుదల కాకముందు వరుస పరాజయాలలో ఉన్నాడు. డైరెక్టర్ పూరి జగన్నాథ్ దర్శకత్వంలో పాన్ ఇండియా నేపథ్యంలో “లైగర్” చేసి పరాజయం పాలు కావడం జరిగింది. ఈ సినిమా కోసం ఏకంగా రెండున్నర సంవత్సరాలు పాటు కష్టపడ్డాడు. కానీ సినిమా ఫలితం మొదటి షోకే అట్టర్ ప్లాప్ టాక్ సొంతం చేసుకుంది. లైగర్ ప్లాప్ కావడం విజయ్ దేవరకొండ అభిమానులను ఎంతగానో బాధించింది. ఆ తర్వాత తనకి కలిసి వచ్చిన ప్రేమ కథ నేపథ్యం కలిగిన కంటెంట్ తో “ఖుషి” సినిమా చేయడం జరిగింది. శివ నిర్వాణ దర్శకత్వంలో తెరకెక్కిన ఈ చిత్రం అన్ని వర్గాల ప్రేక్షకులను అలరించింది. సమంతకి కూడా మంచి కం బ్యాక్ ఫీల్ “ఖుషి” కలిగించింది.

ఇదిలా ఉంటే విజయ్ దేవరకొండ ఫ్యాన్స్ ప్రస్తుతం ఫుల్ జోష్ మీద ఉన్నారు. గత ఏడాది “ఖుషి” విజయం ఈ ఏడాది కూడా కంటిన్యూ చేసే దిశగా.. విజయ్ దేవరకొండ షెడ్యూల్ ప్రిపేర్ చేసుకున్నారట. ఈ ఏడాదిలో ఏకంగా మూడు సినిమాలు విడుదల చేయాలని డిసైడ్ అయ్యారు. ప్రస్తుతం తనకి గీతాగోవిందం లాంటి రొమాంటిక్ హిట్ ఇచ్చిన పరుశురాం దర్శకత్వంలో ఫ్యామిలీ స్టార్ అనే సినిమా చేస్తున్నారు. ఈ ఏడాది మొదటి భాగంలో ఈ సినిమా విడుదల కాబోతోంది. మరోపక్క గౌతం తిన్ననూరి దర్శకత్వంలో.. యాక్షన్ డ్రామా సినిమా కూడా ఈ ఏడదిలోనే విడుదల చేయాలని విజయ్ దేవరకొండ డిసైడ్ అయ్యారట.

ఇక ఈ రెండు సినిమాలతో పాటు ప్రభాస్ ప్రతిష్టాత్మక సినిమా “కల్కి 2898 AD” సినిమా మరో బోనస్ గా ఉండే అవకాశం ఉందని ఇండస్ట్రీలో టాక్ వైరల్ అవుతుంది. నాగ్ అశ్విన్ దర్శకత్వంలో విజయ్ దేవరకొండ స్పెషల్ రూల్స్ చేయడం కొత్తవి కాదు. గతంలో మహానటి సినిమాలో అతిథి పాత్ర చేయడం జరిగింది. ఇప్పుడు అదే విధంగా ప్రభాస్ కల్కిలో కూడా చేస్తున్నారట. సో ఈ ఏడాది విజయ్ దేవరకొండ మూడు సినిమాలతో తన అభిమానులను అలరించడానికి రెడీ అయినట్లు తెలుస్తోంది.