Hair care :జుట్టు Hair care మెరుపుతో ఉందంటే దానిఅర్ధం ఆరోగ్యంగా ఉన్నారని.అదేజీవం లేకుండా ఎండిపోయినట్టు ఉంటే ఎదో ఆరోగ్య సమస్యన్నట్టే. ఇలా జుట్టును బట్టి ఆరోగ్యం చెప్పేయవచ్చు.ఈ మద్య కాలంలో అందరిని వేధిస్తున్న సమస్య జుట్టు రాలడం. ఈ సమస్య చాల మందికి ఉంది. దీనికి కారణం పోషకాల లోపం, ఇతర ఆరోగ్య సమస్యలు ఒక కారణమైతే, జుట్టు కు నూనె పట్టించే విధానం కూడా మరో కారణం గా చెప్పవచ్చు.కురులను కండిషనింగ్‌ చేయడంలో నూనె చాల ముఖ్యమైనది గా చెప్పాలి. రాత్రిపూట నూనె తో మసాజ్ చేసుకుని మరుసటి రోజున తలస్నానం చేయడం వలన వెంట్రుకలు ఆరోగ్యం గా మెరుస్తూ ఉండటంతో పాటు పొడవు కూడా పెరుగుతాయి. కాక పొతే నూనె రాసుకునే విషయం లో కొంత జాగ్రత్త అవసరం.
వెంట్రుకలు చాలా సున్నితమైన వి. వాటిని అదేపనిగా రుద్దడం వల్ల తొందరగా తెగిపోయి, రాలిపోయే అవకాశం ఎక్కువగా ఉంటుంది. అందువల్ల నూనె రాసేటప్పుడు వెంట్రుకలను తల పై చర్మాన్ని వేళ్ళ చివర్ల సహాయం తో నెమ్మదిగా వలయాకారం లో నిమిరుతున్నట్టుగా మసాజ్ చేసుకోవాలి. ఇలా నూనెతో మస్సాజ్ చేసుకోవడం వల్ల రక్త ప్రసరణ జరిగి వెంట్రుకలు బాగా పెరుగుతాయి.
తల స్నానం చేసిన తర్వాత వెంట్రుకలకు ఉన్న తడి ఆరకముందే నూనె రాయడం లాంటి పనులు చేయకూడదు. ఎందుకంటే వెంట్రుకల మొదళ్లు చాలా సున్నితంగా ఉంటాయి. తడిగా ఉన్నప్పుడు కొంచెం ఒత్తిడి తగిలిన కూడా ఊడిపోతుంటాయి. అందుకే పూర్తిగా తడి ఆరిన తరువాత మాత్రమే నూనెపెట్టుకోవాలి .
నూనె రాయడమంటే చాలామంది జుట్టు కుదుళ్లకే పట్టించి చివరలను అలానే వదిలేస్తారు. జుట్టు కొసలకు సరైన పోషణ లేకపోతే అవి చిట్లిపోయే ప్రమాదం ఉంది. దాని వలన వెంట్రుకల పెరుగుదల దెబ్బతింటుంది. జుట్టుఊడిపోవడానికి ఇది కూడా ఒక కారణమవుతుంది. కాబట్టి జుట్టు మొదళ్ల తో పాటు, చివర్లకు కూడా నూనెరాసుకోవాలి .
కొబ్బరి నూనె జుట్టుకు మంచి పోషణ ఇస్తుంది. బాదం నూనె తో వెంట్రుకల పెరుగుదల బాగుంటుంది. ఇక మిగతా నూనెలు ఏమైనా వాడాలనుకున్నపుడు డాక్టర్‌ సలహా మీదట మీ జుట్టుకి సరిపోయే నూనెను ఎంపిక చేసుకోవడం మంచిది.
