జనసేన అధినేత పవన్ కళ్యాణ్ రాజకీయాల్లో వ్యవహరిస్తున్న తీరు ఆ పార్టీ కార్యకర్తల పరువు తీసే విధంగా ఉన్నట్లు రాజకీయ వర్గాల్లో చర్చ నడుస్తుంది. గ్రేటర్ హైదరాబాద్ ఎన్నికల లో పోటీ చేస్తున్నట్లు ప్రకటించిన పవన్ కళ్యాణ్ కొద్ది గంటల్లోనే పోటీ నుండి తప్పుకున్నట్లు బిజెపికి సపోర్ట్ చేస్తున్నట్లు ప్రకటించడం జరిగింది.
అయితే పవన్ కళ్యాణ్ జిహెచ్ఎంసి ఎన్నికల్లో పోటీ చేస్తున్నట్లు ప్రకటించిన సమయంలో జనసేన పార్టీ కార్యకర్తలు తెలంగాణ క్యాడర్ సోషల్ మీడియాలో భారీ స్థాయిలో డైలాగులు వేశారు. ఇంతలోనే పవన్ మాట మార్చడంతో జిహెచ్ఎంసి ఎన్నికల్లో పోటీ చేయడం లేదని నిర్ణయం తీసుకోవటంతో..సొంత పార్టీ కార్యకర్తల నుండి అసహనం నెలకొంది.
ఇదిలా ఉండగా తిరుపతి ఉప ఎన్నికల్లో జనసేన పార్టీ పోటీ చేస్తున్నట్లు వార్తలు వచ్చాయి. కాపు సామాజిక వర్గం ఓట్లు అక్కడ ఎక్కువ ఉన్నట్లు దీంతో జనసేన పార్టీ పోటీకి రెడీ అవుతున్నట్లు అనేక వార్తలు ఇటీవల ఏపీ రాజకీయ వర్గాలలో వినబడ్డాయి. ఇదిలా ఉండగా గ్రేటర్ హైదరాబాద్ ఎన్నికల మాదిరిగానే తిరుపతి ఉప ఎన్నికల్లో కూడా పవన్ కళ్యాణ్ చేతులెత్తేసే అవకాశం ఉన్నట్లు సరికొత్త టాక్ వస్తుంది. ఇందుకోసమే పవన్ కళ్యాణ్ ఢిల్లీలో అమిత్ షాతో భేటీ కాబోతున్నట్లు సరికొత్త వార్త తెలుగు రాజకీయాల్లో చక్కెర్లు కొడుతుంది. మరోపక్క జనసేన పార్టీ అభ్యర్థులు పవన్ కళ్యాణ్ వ్యవహరిస్తున్న తీరుపై సెటైర్లు వేస్తున్నారు. ఇది జనసేన కాదు భజన సేన అని కామెంట్లు చేస్తున్నారు. ప్రశ్నించడం కోసమంటూ రాజకీయాల్లోకి వచ్చిన పవన్ కళ్యాణ్.. వాళ్లకి వీళ్ళకి వత్తాసు పలుకుతున్నారని జనసేన పార్టీ కార్యకర్తలని, అభిమానులని ఎద్దేవా చేస్తున్నారు అంటూ సెటైర్లు వేస్తున్నారు.