Sai pallavi : ప్రేమమ్ సినిమాతో హీరోయిన్ గా ఇండస్ట్రీకొచ్చిన సాయి పల్లవి అతి కొద్ది కాలంలోనే స్టార్ హీరోయిన్ గా మారింది. ప్రస్తుతం ఆమె నటించిన మూడు సినిమాలు విడుదలకి సిద్దమవుతున్నాయి. ఈ క్రమంలోనే ఓ లేడీ ఓరియంటెడ్ సినిమాకి సైన్ చేసిందని కోలీవుడ్ మీడియా నుంచి అందుతున్న తాజా సమాచారం. సాయి పల్లవి కెరీర్ ప్రారంభం నుంచి గ్లామర్ రోల్స్ కి స్కిన్ షోకి దూరం ఉంటుంది. అయినా తనకి క్రేజీ ఆఫర్స్ వస్తున్నాయి. ఇక తన వద్దకి వచ్చిన ఏ అవకాశం అయినా తనని తాను నిరూపించుకుంటోంది. సౌత్ లో ఉన్న క్రేజీ హీరోయిన్స్ లో సాయి పల్లవికి మంచి డిమాండ్ ఉంది.
ఎక్స్‌ఫోజింగ్ గ్లామర్ రోల్స్ చేస్తున్న పూజా హెగ్డే, రష్మిక మందన్నలతో కూడా పోటీ పడి సత్తా చాటుతోంది. సాయి పల్లవి ప్రస్తుతం తెలుగు తో పాటు తమిళంలో సినిమాలను కమిటయింది. ఈ క్రమంలో సాయి పల్లవి మరో సినిమాకు కమిట్ అయ్యింది. కోలీవుడ్ బడా నిర్మాణ సంస్థ డ్రీమ్ వారియర్ బ్యానర్ లో సాయి పల్లవి లేడీ ఓరియంటెడ్ సినిమాను చేసేందుకు సైన్ చేసిందట. ఈ సినిమాలోని పాత్ర ఛాలెంజింగ్ గా ఉంటుందని తెలుస్తోంది. సౌత్ లో ఇప్పటి వరకు ఈమె చేసినవన్నీ కమర్షియల్ సినిమాలే. కానీ మొదటిసారి లేడీ ఓరియెంటెడ్ సినిమాలో నటిస్తుందట. ఇక ఈ సినిమాను తమిళంతో పాటు తెలుగులోనూ రూపొందనుండగా, హిందీలో డబ్బింగ్ వెర్షన్ రిలీజ్ చేస్తారని టాక్ వినిపిస్తోంది.
Sai pallavi : ఈ సినిమాల సక్సెస్ సాయి పల్లవిని టాలీవుడ్ లో నంబర్ వన్ ప్లేస్ కి తీసుకు వెళతాయని భావిస్తున్నారు.
కాగా ఈ సినిమాను గౌతమ్ రామ చంద్రన్ తెరకెక్కించనున్నాడు. చాలా విభిన్నంగా ఉండే కథ, కథనాలతో తెరకెక్కనున్న ఈ సినిమాతో సాయి పల్లవి రేంజ్ మరింతగా పెరుగుతుందట. ఇక ప్రస్తుతం సినిమా చిత్రీకరణకు ఏర్పాట్లు చేస్తున్నారు చిత్ర బృందం. త్వరలోనే సినిమాను సెట్స్ మీదకి తీసుకురానున్నారు. అన్నీ అనుకున్నట్టు పూర్తయితే 2022 సమ్మర్ కానుకగా ఈ సినిమాను ప్రేక్షకుల ముందుకు తీసుకురానున్నారు. కాగా రానాతో నటించిన విరాట పర్వం, నాగచైతన్యతో నటించిన లవ్ స్టోరీ, నానితో నటించిన శ్యాం సింగ రాయ్ రిలీజ్ కానున్నాయి. ఈ సినిమాల సక్సెస్ సాయి పల్లవిని టాలీవుడ్ లో నంబర్ వన్ ప్లేస్ కి తీసుకు వెళతాయని భావిస్తున్నారు.