కమలహాసన్ కూతురుగా సినిమా రంగంలో ఎంట్రీ ఇచ్చిన సౌత్ ఇండస్ట్రీలో టాప్ హీరోయిన్ గా తక్కువ కాలంలోనే క్రేజ్ సంపాదించింది. తెలుగు తమిళ భాషల్లో టాప్ హీరోలతో నటించిన శృతి హాసన్… బాలీవుడ్ ఇండస్ట్రీలో కూడా రాణించడం జరిగింది. ఇదిలా ఉండగా ఇటీవల చాలా లాంగ్ గ్యాప్ తీసుకున్న శృతి హాసన్ టాలీవుడ్ ఇండస్ట్రీలో రవితేజ తో క్రాక్ పవన్ కళ్యాణ్ తో “వకిల్ సాబ్” సినిమా చేస్తూ ఉంది.
ఇదిలా ఉండగా ఇటీవల ఓ ప్రముఖ టీవీ ఛానల్ కి ఇచ్చిన ఇంటర్వ్యూలో శృతిహాసన్ అనేక కీలక విషయాలను వెల్లడిస్తూ తన జీవితానికి సంబంధించిన పర్సనల్ విషయాలు కూడా పంచుకుంటూ ఉంది. టాలీవుడ్ ఇండస్ట్రీలో టాప్ హీరోలందరితో నటించిన శృతి హాసన్ ప్రభాస్ తో నటించాలి అని ఉంది తెలిపింది. అయ్యో అనేది తన ఊత పదం అని ఎక్కువగా ఆ పదాన్ని ఉచ్చారిస్తాను అని వెల్లడించింది.
ఇంక తన వ్యక్తిగత విషయాల గురించి మాట్లాడుతూ లండన్ ప్రాంతం అంటే ఇష్టం అని తెలిపిన శృతిహాసన్ తనకు గడ్డం ఉన్న అబ్బాయిలు అంటే బాగా నచ్చుతారని పేర్కొంది. ప్రస్తుతం తాను సింగిల్ అని శృతిహాసన్ తెలిపింది. అంతేకాకుండా తన తోటి హీరోయిన్లలో తమన్నా అంటే చాలా ఇష్టమని పేర్కొంది. ఇంకా లైఫ్లో తనకి తండ్రి కమల్ హాసన్ ఆదర్శమని హాలీవుడ్ బ్యూటీ హాలీ బెర్రీ అంటే అభిమానం అని వెల్లడించింది. ప్రస్తుతం చేస్తున్న సినిమాలు మాత్రమే కాక కొత్త సినిమాల ఆఫర్లు కూడా వస్తున్నాయని కానీ ఫ్యూచర్ లో చేయబోయే సినిమాలో క్యారెక్టర్ ను బట్టి సినిమాలు ఒప్పుకునే అవకాశం ఉంటుందని శృతిహాసన్ పేర్కొంది.