Dean Elgar – Virat Kohli: అంతర్జాతీయ క్రికెట్ కు ఇటీవలే వీడ్కోలు పలికిన దక్షిణాఫ్రికా ఆటగాడు డీన్ ఎల్గార్ సంచలన విషయాలను వెల్లడించారు. ‘బాంటర్ విత్ బాయ్స్’ అనే ఈ పొడ్ కాస్ట్ కు హజరైన డీన్ ఎల్గార్ మాట్లాడుతూ .. టీమిండియా ఆటగాడు కోహ్లీ తనపై ఉమ్మేశాడని సంచలన విషయాన్ని వెల్లడించారు.
2015 లో మొహాలీ వేదికగా ఓ టెస్ట్ లో తాను బ్యాటింగ్ కు దిగాననీ, అప్పుడే మొదటి సారి కోహ్లీని మొదటి సారిగా ప్రత్యక్షంగా చూసినట్లు డీన్ ఎల్గార్ చెప్పారు. అక్కడి పిచ్ చూస్తే ఓ జోక్ లా అనిపించిందనీ, అలాంటి పిచ్ పై బ్యాటింగ్ ఓ సవాల్ గా నిలిచిందన్నారు. అప్పుడు బ్యాటింగ్ చేస్తున్న తనపై అశ్విన్, జడేజా మాటల తూటాలు విసిరితే తాను కూడా వారికి ధీటుగా జవాబు చెప్పానన్నారు.
ఆ సమయంలో కొహ్లీ మధ్యలో వచ్చి తనపై ఉమ్మేశాడని, దాంతో తాను ఓ బూతు మాట ఉపయోగించి, బ్యాట్ తో కొడతానంటూ కొహ్లీని హెచ్చరించానన్నారు. అప్పటికి కొహ్లీ ఐపీఎల్ లో రాయల్ ఛాలెంజర్స్ బెంగళూరుకు ఆడుతున్నాడన్నారు. ఆ జట్టులోనే దక్షిణాఫ్రికాకు చెందిన ఏబీ డివిలియర్స్ కూడా ఉన్నారనీ, అందు వల్ల దక్షిణాఫ్రికా యాస గురించి, తాను వాడిన బూతు మాట గురించి కొహ్లీకి అవగాహన ఉంటుందనే తాను అనుకున్నానన్నారు. తాను మాట అనగానే కొహ్లీ కూడా అదే బూతు మాటను ఉచ్చరిస్తూ హేళన చేయడం మొదలు పెట్టాడనీ, దాంతో తాను వీడితో పెట్టుకోవడం అనవసరం అనిపించి వదిలివేశానన్నారు.
ఆ తర్వాత 2017 -18 సీజన్ లో దక్షిణాఫ్రికా పర్యటనకు టీమిండియా వచ్చిందన్నారు. అప్పుడు కోహ్లీ తన వద్దకు వచ్చి గతంలో అప్పట్లో జరిగిన ఘటనపై క్షమాపణలు చెప్పి సిరీస్ ముగిసిన తర్వాత పార్టీ చేసుకుందామని ఆహ్వానించాడన్నారు. కోహ్లీ ఆహ్వానాన్ని అంగీకరించి ఆ సిరీస్ ముగిసిన తర్వాత ఇద్దరం పార్టీ చేసుకున్నామంటూ నాటి విషయాలను గుర్తు చేసుకున్నారు.
కాగా, ఎల్గార్ కేరీర్ లో ఇటీవల చివరి టెస్ట్ అడింది టీమిండియాపైనే. ఎల్గార్ చివరి ఇన్నింగ్ ఆడగానే కోహ్లీ అతన్ని ఆత్మీయంగా హత్తుకుని శుభాకాంక్షలు తెలిపారు. ఈ ఇద్దరి ఆటగాళ్ల మధ్య వివాదం సమసిపోయి స్నేహంగా ఉన్నా దాదాపు తొమ్మిదేళ్ల తర్వాత కోహ్లీ చేసిన పని వెల్లడించడం హాట్ టాపిక్ అయ్యింది.
TTD: రూ.5వేల కోట్లు దాటిన టీడీపీ వార్షిక బడ్జెట్