Refrigerate: మనకు అనారోగ్య సమస్యలు మనం తీసుకునే ఆహారం వలెనే వస్తుంటాయి. అందుకేఎప్పుడు పరిశుభ్రమైన, ఆరోగ్యమైన ఆహారాన్నేతినాలి. ఇదివరకటి వారు తాజాగా ఉండే ఆహారాన్ని తినేవారు.రోజుల తరపడి నిల్వ పెట్టుకునే వారు కాదు. అందుకే వారంతా ఎంతో ఆరోగ్యం తో ఉత్సహంగా జీవించేవారు. కానీ మనం రోజు వండుకునే కూరలు దగ్గరనుండి అన్ని పదార్ధాలు ఫ్రిజ్‌లో – Refrigerate నిల్వ చేయడానికి అలవాటు చేసుకున్నాం. దాని వలన ఎన్నోరకాల ఆరోగ్య సమస్యలు కూడా వస్తున్నాయి.
ఫ్రిజ్‌లో అస్సలు నిల్వ చేయకూడని పదార్ధాల గురించి తెలుసుకుందాం.. . ఎట్టి పరిస్థితుల్లోనూ కాఫీ ని ఫ్రిజ్‌లో నిల్వ చేయకంచేయకూడదు. కాఫీని ఫ్రిజ్‌లో ఉంచడం వలన అక్కడున్న మిగతా వస్తువుల అరోమాను కూడా గర్హించేస్తుంది. తద్వారా అవి త్వరగా పాడైపోతాయి. బ్రెడ్‌ను ఫ్రిజ్‌లోపెట్టడం వలన దాని రుచి మారిపోతుంది. ఇది ఆరోగ్యానికి మంచిది కాదు. మార్కెట్ నుంచి తెచ్చిన తాజా టొమాటోలను ఫ్రిజ్‌లో సర్దకూడదు. అలా చేస్తే లోపలి నుంచి అవి పాడైపోతాయి. చాలా త్వరగా కుళ్లిపోతాయి కూడా. అదేవిధం గా అరటి పండ్లను కూడా ఫ్రిజ్‌లో నిల్వ ఉంచకూడదు. వాటి నుంచి విడుదలయ్యే ఇథిలీన్ గ్యాస్ వలన మిగతా పండ్లు కూడా పాడవుతాయి.
తేనెను ఫ్రిజ్‌లో పెట్టడం వల్ల ఎటువంటి ప్రయోజనం ఉండదు. గాలి చొరబడని గాజు సీసాల్లో నిల్వచేస్తే కొన్నేళ్ల పాటు పాడవకుండా ఉంటుంది. తేనే ఎంత ఎక్కువగా నిల్వ ఉంటే అంత ఔషధం గా పనిచేస్తుంది.కానీ ఫ్రిజ్‌లో పెడితే మాత్రం గట్టిగా స్పటిక లాగా మారిపోతుంది. బంగాళా దుంపలను ఫ్రిజ్‌లో ఉంచడం వలన స్టార్చ్ షుగర్స్‌లా మారుతాయి. అవి ఆరోగ్యానికి హానికరం. రుచి కూడా మారిపోతుంది. పుచ్చకాయ చల్లగా ఉండాలని చాలా మంది ఫ్రిజ్‌లో పెట్టుకుంటారు. కానీ అలా చేయడం వలన అందులో ఉండే పోషక విలువలు దెబ్బతింటాయి. ఆ తర్వాత దాన్ని తిన్నా ప్రయోజనం ఉండదు.
పెరుగు, మ‌జ్జిగ త‌ప్ప.. పాలు, పాల సంబంధ ఇత‌ర ప‌దార్థాలు ఏవైనా కూడా ఫ్రిజ్‌ల‌లో నిల్వచేయకూడదు. అలా చేయడం వలన అవి వాటి స‌హ‌జత్వాన్ని కోల్పోతాయి. అలాగే కోడి గుడ్ల‌ను కూడా ఎప్ప‌టికప్పుడు తెచ్చుకుని వాడుకోవాలి కానీ ఫ్రిజ్‌ల‌లో నిల్వ చేయకూడదు.
