Chandrababu : ఆంధ్ర ప్రదేశ్ స్థానిక సంస్థల ఎన్నికలు రాష్ట్ర ఎన్నికల కమిషన్ ప్రభుత్వానికి ఎంత ప్రతిష్టాత్మకమో తెలియదు కానీ… తెలుగుదేశం పార్టీకి మాత్రం ఈ ఎన్నికల డూ ఆర్ డై ఎన్నికలు. ఒక రకంగా చెప్పాలంటే తెలుగు దేశం పార్టీకి సెమీఫైనల్స్. ఈ ఎన్నికల్లో ఆ పార్టీ కచ్చితంగా ఉనికి నిలుపుకోవాలంటే… రాష్ట్ర రాజకీయాల్లో బలమైన ప్రతిపక్షం గా ఉండాలి అంటే స్థానిక సంస్థల ఎన్నికల్లో ప్రతిష్టాత్మకంగా కొన్ని సీట్లు అయినా గెలవాలి… కొన్ని కాదు తన ఉనికిని జరుపుకునేలా తన ప్రభావం చూపేలా తెలుగుదేశం పార్టీ ఈ ఎన్నికల్లో పోరాడాల్సి ఉంది. జమిలి ఎన్నికలు తరుముకొస్తున్న వేళ తెలుగుదేశం పార్టీకి ముఖ్యంగా చంద్రబాబు Chandrababu నాయకత్వానికి ఈ ఎన్నికలు సెమీ ఫైనల్స్. ఈ ఎన్నికల్లో తెలుగుదేశం పార్టీ ఎలా పోరాడింది ఎలా ముందుకు వెళ్ళింది ఫలితాల్లో ఎంత ప్రభావం చూపింది అన్న దాని మీద వచ్చే ఎన్నికల్లో ప్రధాన ప్రతిపక్షంగా వైఎస్ఆర్సిపి కు పోటీనిచ్చేది ఏ పార్టీ నో తెలిసిపోతుంది.
బీజేపీ రెడీగా!
బిజెపి ఇప్పటివరకు రాష్ట్ర రాజకీయాల్లో సొంతంగా తన బలాన్ని నిరూపించుకునేందుకు సమయం ఏది రాలేదు. ఆ పార్టీ సైతం రాష్ట్రంలో బలమైన శక్తిగా ఎదిగేందుకు ఎలాంటి కృషి చేయలేదు. ఇప్పుడు ఈ స్థానిక సంస్థల ఎన్నికల్లో వారు గెలిచినా ఓడినా పెద్దగా వచ్చేది ఉండదు పోయేది ఉండదు. అయితే టిడిపి ఎలాంటి పోటీ ఇవ్వగలుగుతుంది అన్న దానిమీద మాత్రం బీజేపీ నేతలు జాగ్రత్తగా గమనిస్తున్నారు. ప్రస్తుతం రాష్ట్రంలో అధికారం వైఎస్ఆర్సీపీ కు ప్రతిపక్షంగా ఉన్న టిడిపి ఈ ఎన్నికల్లో ఎంత మేర పోరాడుతుంది అన్నదాని మీదే వచ్చే ఎన్నికల్లో అది ఎంత ప్రభావం చూపుతుంది అన్న అంచనా తెలుస్తుంది. ప్రతిపక్ష పార్టీకి ప్రత్యామ్నాయంగా సిద్ధంగా ఉన్న బిజెపి దీనిమీద ఎంతో ఆసక్తిగా ఎదురు చూస్తోంది. ఒకవేళ తెలుగుదేశం పార్టీ స్థానిక సంస్థల ఎన్నికల్లో పూర్తిగా డీలా పడితే… ఆ అడ్వాంటేజ్ ను బిజెపి చక్కగా తీసుకుంటుంది. స్థానిక సంస్థల ఎన్నికలలో టిడిపి పరాజయాన్ని సాకుగా చూపి.. తిరుపతి లోక్సభ ఉప ఎన్నికల్లో బలంగా పోరాడే అవకాశాలు ఉన్నాయి. ఎలాగో ప్రతిపక్షంగా టీడీపీ ను దెబ్బ తీయాలని చూస్తున్న ముఖ్యమంత్రి జగన్ సైతం ఈ సమయం కోసం వేచి చూసి బీజేపీకి ఒక్క అవకాశం ఇచ్చి తిరుపతి ఉప ఎన్నికల్లో ఆ పార్టీకి మేలు చేసే చర్యలు చేపట్టవచ్చు. బీజేపీకి మేలు చేయడం ద్వారా ప్రతిపక్ష హోదాలో కి…. వైయస్సార్సీపి కు ప్రత్యామ్నాయంగా బిజెపిని ప్రజల్లో చూపించాలని ఏది ప్లాన్. తద్వారా వచ్చే ఎన్నికల్లో ప్రభుత్వ వ్యతిరేక ఓటు అంతా బీజేపీ కు మల్లవచ్చు. దీని ద్వారా తెలుగుదేశం పార్టీ పూర్తిగా నిర్వీర్యం అయ్యే దారి వేసేందుకు జగన్ బీజేపీ కు సహకరించవచ్చు. వచ్చే ఎన్నికల్లో ఖచ్చితంగా తనకు రాజకీయ శత్రువు ఉండాలి అనే కోణంలో బీజేపీతో తలపడటానికి జగన్ ఇష్టపడటం…. టిడిపి ను పూర్తిగా నిర్వీర్యం చేసి బిజెపి ను ఆ స్థానంలో తీసుకొచ్చి ప్రజలకు రాజకీయ ప్రత్యర్థిగా చూపడానికి జగన్ కు అన్నీ రకాల ఇష్టమే. ఇప్పుడు ఇదే ఫార్ములాను స్థానిక సంస్థల ఎన్నికల్లో టీడీపీ ఎంత మీద పోరాడుతుంది ఎంత మీద విజయం సాధిస్తుంది అన్నదాని మీదే వచ్చే తిరుపతి లోక్సభ ఎన్నికల్లో వైఎస్ఆర్సిపి బిజెపి వ్యూహాలు ఉంటాయి అనడంలో సందేహం లేదు. ఒకవేళ స్థానిక సంస్థల ఎన్నికల్లో ఎలాంటి ఫలితాలు చూపకుండా తెలుగుదేశం పార్టీ రక్షణాత్మక ధోరణికి పరిమితం అయితే ఆ పార్టీకు పెను ప్రమాదం తప్పదు. దీనిని గుర్తించే చంద్రబాబు ఈ ఎన్నికల్లో కచ్చితంగా ఏకగ్రీవాలు లేకుండా పూర్తిస్థాయిలో పోరాడాలని కార్యకర్తలకు ప్రతిరోజు సూచనలు చేస్తున్నారు. ఖచ్చితంగా పార్టీని బతికించుకోవడం అంటే స్థానిక సంస్థల ఎన్నికలు ఒకటే దారి అన్న కోణంలో చంద్రబాబు హిత బోధ చేస్తున్నప్పటికీ.. క్షేత్రస్థాయిలో పరిస్థితి మాత్రం ఆ పార్టీకి అంత అనుకూలంగా లేవు. ఇక ఈ ఎన్నికల్లో ఫలితాలు టీడీపీ భవిష్యత్తు అన్నది కాలమే నిర్ణయించాలి.