Anjeer: అంజీర పండ్లు.. నేరుగా పండ్ల రూపంలో లభిస్తాయి.. డ్రై ఫ్రూట్స్ గా కూడా తినవచ్చు.. అంజీర్ పండులో క్యాల్షియం, విటమిన్ సి, పొటాషియం, మెగ్నీషియం, ఐరన్, ప్రోటీన్లు సమృద్ధిగా లభిస్తాయి. అలాగే కార్బోహైడ్రేట్స్, ఫైబర్ కూడా ఉంటాయి. దీని వల్ల మన శరీరానికి పోషణ లభిస్తుంది. డ్రై అంజీర్ ని తింటే ఇన్ని ప్రయోజనాలు కలిగితే.. మరి రాత్రిపూట నీళ్ళల్లో నానబెట్టిన అంజీర్ లను ఉదయం తింటే ఎన్ని ప్రయోజనాలు కలుగుతాయి ఇప్పుడు తెలుసుకుందాం..!!
* బరువు తగ్గాలనుకునేవారు ప్రతిరోజు నానపెట్టిన 3 అంజీర్ తింటే త్వరగా బరువు తగ్గుతారు. అదే బరువు పెరగాలి అనుకునేవారు 5-6 తింటే త్వరగా బరువు పెరుగుతారు..
*అంజీర పండు లో యాంటీ-ఆక్సిడెంట్స్ రక్తపోటును నియంత్రిస్తాయి. ఇది గుండెను ఆరోగ్యంగా ఉంచుతుంది.
*అంజీర్ లో క్యాల్షియం అధికంగా ఉంటుంది ఇవి ఎముకలను ఆరోగ్యంగా ఉంచుతాయి.
* పి.ఎమ్.ఎస్ సమస్యతో బాధపడుతున్న మహిళలకు అంజీర పండ్లు మేలు చేస్తాయి. అలాగే హార్మోన్ల హెచ్చుతగ్గులను, మెనోపాజ్ సమస్యలను తగ్గిస్తాయి. *ఇందులో ఫైబర్ అధికంగా ఉంటుంది. మలబద్ధకం సమస్యను నివారిస్తుంది.
* ఐరన్ లోపం బాధపడే వారికి అంజి చక్కటి పరిష్కారం. ఇందులో ఉండే ఐరన్ హిమోగ్లోబిన్ స్థాయిలను పెంచుతుంది. దీనివల్ల రక్తం బాగా ఉత్పత్తి అవుతుంది. రక్తహీనత సమస్య దరిచేరదు.
* నీటిలో నానబెట్టిన అంజిర్ ఉదయాన్నే తినడం వల్ల పురుషుల్లో సంతాన లోపం సమస్యలు ఉండవు. వారిలో వీర్య కణాలు ఉత్పత్తి అవుతాయి. పురుషులు వీటిని పాలతో కలిపి తీసుకోవచ్చు.
* డయాబెటిస్ సమస్య ఉన్నవారు అంజీర పండు రోజు తింటే షుగర్ లెవెల్స్ ను అదుపులో ఉంచుకోవచ్చు. ఇందులో ఉండే విటమిన్ ఇ, ఫ్యాటి యాసిడ్లు , ఫైబర్ డయాబెటిస్ ను నియంత్రణలో ఉంచుతుంది.