Armpits Itching: శరీరం పై చాలా మంది అనేక చోట్ల సహజంగానే దురదలు ( Itching) వస్తుంటాయి.. శరీర అవయలు అన్నింటిలో సున్నితమైన భాగం చంక.. ఈ ప్రాంతంలో చెమట ఎక్కువగా పడుతుంది. చెమట ఎక్కువగా పట్టడంతో బ్యాక్టీరియా వృద్ధి చెంది దురద పెడుతుంది. దురదగా ఉందని ఎక్కువగా గోకితే దద్దుర్లు వస్తాయి.. దీనికి తోడు నొప్పి, దుర్వాసన వస్తుంది.. ఈ సమస్యను అధిగమించాలంటే ఈ జాగ్రత్తలు తీసుకోవాలి..!! అలాగే ఈ చిట్కాలు పాటించండి..!!
Armpits Itching: దురద తగ్గడానికి ఈ నూనెలు ఇలా రాయండి..!!
కొబ్బరి నూనె (Coconut Oil) లో యాంటీ మైక్రో బయాల్ గుణాలు ఉన్నాయి. ఇవి దురద, మంట ను తగ్గిస్తుంది. చంకలో కొబ్బరి నూనె రాసి మర్దన చేయాలి. ఇలా రోజులో రెండు సార్లు చేస్తే దురద త్వరగా తగ్గుతుంది. వేప ఆకు (Neem Leaves) లను ముద్దగా నూరి ఆ రసం దురద ఉన్నచోట రాయాలి. వేప లో యాంటీ బ్యాక్టీరియల్, యాంటీ సెప్టిక్ లక్షణాలు ఉన్నాయి. ఇవి దురద, రాషేస్ ను తగ్గిస్తుంది. లేదంటే వేప నూనె (Neem Oil) ను నేరుగా రాసి మర్దన చేయాలి. ఇలా చేసిన చక్కటి ఫలితం కనిపిస్తుంది.
టీ ట్రీ ఆయిల్ (Tea Tree oil) లో యాంటీ ఫంగల్, యాంటీ సెప్టిక్ గుణాలు ఉన్నాయి. ఇవి ఇన్ఫెక్షన్ కలిగించే బ్యాక్టీరియాను తొలగిస్తుంది. ఒక స్పూన్ టీ ట్రీ ఆయిల్ లో ఒక స్పూన్ నీటిని కలిపి చంక లో రాయాలి. 10 నిమిషాల తర్వాత కడిగేయాలి. ఇలా చేస్తే చంక లో దురద, రాషెస్ తగ్గుతాయి. నిమ్మ రసం (Lemon Juice) లో సిట్రిక్ ఆమ్లం ఉంటుంది. ఇది బ్యాక్టీరియా ను నశింప చేస్తుంది. నిమ్మ చెక్కను తీసుకుని చంక లో మృదువుగా రుద్దాలి. 5 నిమిషాల తర్వాత చల్లటి నీటి తో కడిగేసుకోవాలి. ఇలా వారం లో రెండు సార్లు చేస్తే సమస్య త్వరగా తగ్గుతుంది.
ముఖ్యంగా వ్యక్తిగత పరిశుభ్రత (Personal Hygiene) ను పాటించాలి. అధిక చెమట, వాతావరణ మార్పులు, బ్యాక్ట్రిరియల్ ఇన్ఫెక్షన్లు ఉన్న వారిలో ఈ సమస్య వస్తుంది. చంక లకు గాలి తగిలేలా, వదులైన దుస్తులను ధరించాలి. సబ్బులు, పెర్ఫ్యూమ్ లో టాక్సిన్స్ ఎక్కువగా ఉంటాయి. వీటికి బదులు మేదికేటెడ్ సబ్బులను వాడాలి. ఇతరుల దుస్తులు, టవల్స్ ను ఉపయోగించకూడదు.
