Soups: అసలే చలికాలం.. వస్తూ వస్తూ అనేక వ్యాధులను మూటగట్టుకొని వస్తుంది.. ఈ సీజన్ లో రోగనిరోధక శక్తిని పెంపొందించుకోవడం చాలా అవసరం.. వాతావరణం చల్లగా ఉంటుంది కాబట్టి వెచ్చదనాన్ని కలిగించే దుస్తులు వేసుకోవాలి. ఈ కాలంలో లో వేడి వేడి ఆహార పదార్థాలు తీసుకోవాలి.. ముఖ్యంగా వేడి వేడి సూప్స్ తాగితే ఎటువంటి ఆరోగ్య సమస్యలు రాకుండా ఉంటాయో ఇప్పుడు తెలుసుకుందాం..!!
సూప్ ను రకరకాల కూరగాయలతో తయారు చేసుకోవచ్చు. లేదంటే చికెన్ మటన్ బోన్స్ తో కలిపి తయారు చేసుకోవచ్చు. సూప్ లో పోషకాలు సమృద్ధిగా లభిస్తాయి. సూప్ మన శరీరానికి కావాలిసిన పోషకాలను అందించి ఆరోగ్యంగా వుంచుతుంది. చలికాలం వేడి వేడి గా సూప్ తయారుచేసుకుని తాగితే శరీర ఉష్ణోగ్రతను పెంచి చలిని దూరం చేస్తుంది. అందుకని అని రోజుకి ఒకటి లేదా రెండు సార్లు సూప్ తాగితే చలిని ఎంజాయ్ చేయవచ్చు.
వేడి వేడిగా ఒక కప్పు సూప్ తాగితే నీరసం తగ్గి పోతుంది. ఒత్తిడి చికాకు చిరాకుగా అనిపిస్తుంది అయితే వెంటనే వేడి వేడి సూప్ సిప్ చేయండి.. మెదడుని తేలిక పరుస్తుంది. వేడి వేడిగా సూప్ తాగితే వల్ల మెదడులోని నరాలు ఉత్తేజితమై చురుగ్గా పనిచేసేలా చేస్తుంది. నీరసం నిస్సత్తువ అనిపించినప్పుడు సూప్ తాగితే తక్షణ శక్తి లభిస్తుంది. మీరు ఎలాంటి సూప్ తయారు చేసుకొని తాగినా కూడా అందులో పసుపు, అల్లం, వెల్లుల్లి, మిరియాలు, సొంటి వేసుకోండి. ఇవి మన రోగ నిరోధక శక్తిని పెంపొందిస్తుంది. వీటివలన ఈ సీజన్లో ఎక్కువగా బాధించే జలుబు, దగ్గు నుంచి ఉపశమనం లభిస్తుంది. వైరల్, ఫ్లూ ఇన్ఫెక్షన్లను తగ్గిస్తుంది.
