One Glass Water: మంచి నీటిని ఎక్కువగా తాగమని ఆరోగ్య నిపుణులు సూచిస్తారు.. శరీరానికి తగినంత నీటిని అందించడం మన ప్రధాన కర్తవ్యం.. ప్రతిరోజు ఎనిమిది గ్లాసుల నీటిని కచ్చితంగా తాగితే అనేక వ్యాధుల బారిన పడరు.. ప్రతి రోజూ ఒక గ్లాసు నీటిని ఈ సమయాలలో తీసుకుంటే మన ఆరోగ్యానికి ఎంతో మేలు చేస్తుంది..!! ఏ సమయంలో ఒక గ్లాసు నీటిని తాగితే ఎటువంటి ఆరోగ్య ప్రయోజనాలు కలుగుతాయో ఇప్పుడు చూద్దాం..!!
One Glass Water: భోజనానికి అరగంట ముందు ఒక గ్లాసు నీటిని తాగితే..!!
ఈ రోజు ఉదయం లేచిన వెంటనే పరగడుపున రెండు గ్లాసుల నీటిని తాగటం వలన అంతర్గత అవయవాలను సక్రియం చేయడానికి సహాయపడుతుంది. అది కూడా గోరు వెచ్చని నీటిని తాగడం వలన శరీరంలో ఉన్న మలినాలను, వ్యర్థాలను బయటకు నెట్టివేస్తుంది. మలబద్ధకం సమస్య నుంచి బయట పడవేస్తుంది. ఆ తరువాత భోజనానికి అరగంట ముందు ఒక గ్లాసు నీటిని తాగాలి ఇలా తాగడం వలన జీర్ణక్రియకు సహాయపడుతుంది. మీరు ఏదైనా తినాలి. అనుకుంటే దానికి అరగంట ముందే ఒక గ్లాస్ నీటిని తాగితే మీరు తినే ఆహారం త్వరగా జీర్ణం అవుతుంది. జీర్ణక్రియ వ్యవస్థను మెరుగుపరచడానికి దోహదపడుతుంది.
స్నానం చేయడానికి ముందు ఒక గ్లాస్ నీటిని తాగితే రక్తపోటును తగ్గించడానికి సహాయపడుతుంది. అధిక రక్తపోటు తో బాధపడుతున్న వారు ప్రతి రోజూ స్నానానికి ముందు ఒక గ్లాసు నీటిని తాగితే మెరుగైన ఫలితాలు కనిపిస్తాయి. రాత్రి పడుకునే ముందు ఒక గ్లాసు నీటిని తాగటం వలన గుండె పోటును రాకుండా నివారిస్తుంది. రాత్రి తిన్న ఆహారం జీర్ణం అయ్యేలా చేస్తుంది. రోజు మొత్తంలో అదనంగా నీరు తాగటం వలన త్వరగా అనేక వ్యాధుల బారిన పడకుండా చేస్తుంది. శరీరం డీహైడ్రేషన్ కాకుండా చేస్తుంది.
రాత్రి మధ్యలో నీరు త్రాగితే కాళ్లు తిమ్మిర్లు పట్టకుండా చేస్తుంది. కాలు కండరాలు సంకోచించకుండా, కొంకర్లు పోకుండా చేస్తుంది. కొంతమందికి నిద్రలో కాలు పిక్కలు పట్టేస్తాయి. అటువంటి వారు నిద్ర మధ్యలో లేచినప్పుడు ఒక గ్లాసు నీటిని తాగండి చక్కటి ఫలితాలు కలుగుతాయి. అందువలన ప్రతి ఒక్కరూ రోజు తగినన్ని నీళ్లు తాగితే ఆరోగ్యంగా ఉంటారు.