ప్రపంచం మొత్తం ఎదురుచూస్తున్న కరోనా వైరస్ వ్యాక్సిన్ విషయంలో రష్యా అధ్యక్షుడు వ్లాదిమిర్ పుతిన్ గుడ్ న్యూస్ మంగళవారం ప్రకటించడం తెలిసిందే. దీంతో ప్రపంచవ్యాప్తంగా ఉన్న మనుషులకు జీవితంపై కొత్త ఆశలు చిగురించాయి. ఇదిలా ఉండగా రష్యా తీసుకొస్తున్న కరోనా వ్యాక్సిన్ పేరు ‘స్పుత్నిక్ వీ’ అని పెట్టి మార్కెట్ లో విడుదల చేయడానికి రష్యా ప్రభుత్వం రెడీ అయ్యింది.
ఇదిలా ఉండగా ఈ వ్యాక్సిన్ కోసం ఆర్థిక సహాయం చేసిన రష్యన్ డైరెక్ట్ ఇన్వెస్ట్‌మెంట్ ఫండ్ అధిపతి కిరిల్ డిమిత్రియేవ్ వ్యాక్సిన్ కి సంబంధించిన వివరాలను ఎప్పటికప్పుడు తెలియజేస్తామని పేర్కొన్నారు. వ్యాక్సిన్ గురించి వచ్చే తప్పుడు వివరాలను ఖండించడమే కాకుండా, పని చేసే విధానం వాస్తవాలను ప్రపంచానికి తెలియజేస్తామని పేర్కొన్నారు. అంతేకాకుండా ఆగస్టు 12 నుండి ఫేస్ 3 ట్రైల్స్ ప్రారంభమవుతాయని చెప్పుకొచ్చారు. వచ్చే సెప్టెంబర్ నుండి వ్యాక్సిన్ ఉత్పత్తి స్టార్ట్ అవుతుందని స్పష్టం చేశారు. పరిస్థితి ఇలా ఉండగా ప్రపంచంలో 20 దేశాలు ఇప్పటికే వంద కోట్ల ప్రి ఆర్డర్లు చేశాయని కిరిల్ వివరించింది. ఈ 20 దేశాలు సంపన్న దేశాలు అన్నట్టు సమాచారం.