పవర్ స్టార్ పవన్ కళ్యాణ్ బర్త్ డే సెలబ్రేషన్స్ కి ఇంకొన్ని గంటలు మాత్రమే ఉంది. ఇప్పటికే పవన్ కళ్యాణ్ నటిస్తున్న 26వ సినిమా ‘వకీల్ సాబ్’ నుంచి మోషన్ పోస్టర్ లేదా టీజర్ విడుదల అవబోతుందని, ఫ్యాన్స్ కి దిల్ రాజు సర్‌ప్రైజ్ ఇవ్వబోతున్నారని సమాచారం. నేడు వకీల్ సాబ్ నుండి రాబోతున్నది ఏంటీ అనే విషయంలో క్లారిటీ వస్తుందని తెలుస్తుంది. ఈ సినిమాతో పాటుగా పవన్, క్రిష్ కాంబినేషన్ లో కూడా ఒక సినిమా రూపొందుతుంది. పవన్ బర్త్ డే సందర్భంగా ఈ ఇద్దరి కాంబినేషన్ లో తెరకెక్కుతున్న తాజా చిత్రానికి సంబంధించి క్రిష్ ఏదైనా సర్‌ప్రైజ్ ప్లాన్ చేశాడ అని ఫ్యాన్స్ ఎదురు చూస్తున్నారు.
అయితే క్రిష్ నుండి ఎలాంటి సర్‌ప్రైజ్ ఉండదని విశ్వసనీయ వర్గాల ద్వారా అందుతున్న సమాచారం. దాంతో ఫ్యాన్స్ కొంత నిరుత్సాహ పడ్డారు. అయితే ఎవరు ఊహించని విధంగా పవన్ 28వ సినిమాను చేయబోతున్న హరీష్ శంకర్ నుండి అప్ డేట్ రాబోతుంది. పవన్ బర్త్ డే కానుకను సెప్టెంబర్ 2న సాయంత్రం 4 గంటల 5 నిమిషాలకు ఇవ్వబోతున్నాడట. ఈ తాజా చిత్రానికి సంబంధించి టైటిల్ పోస్టర్ ను హరీష్ శంకర్ విడుదల చేస్తాడని సమాచారం.
మైత్రి మూవీ మేకర్స్ వారు ఈ సినిమాని భారీ బడ్జెట్ తో నిర్మిస్తుండగా ఇప్పటి వరకు ఈ నిర్మాణ సంస్థ ఏ సినిమా నిర్మించినా ఆ హీరో పుట్టిన రోజుకు ఖచ్చితంగా సినిమా అప్ డేట్ ను ఇస్తున్నట్టే… ఈ సినిమా అప్ డేట్ ను ఇవ్వాలని డిసైడయ్యారట. అందుకే పవన్, హరీష్ శంకర్ కాంబినేషన్ లో తెరకెక్కబోయో ఈ సినిమా ఫస్ట్ లుక్ లేదా టైటిల్ తో ప్రీ లుక్ ను రిలీజ్ చేస్తున్నారని సమాచారం.
సూపర్ స్టార్ మహేష్ బాబుతో సర్కారు వారి పాటను నిర్మిస్తున్న మైత్రీ మూవీ మేకర్స్ షూటింగ్ ప్రారంభం కాకపోయినప్పటికి సర్కారు వారి పాట టైటిల్ పోస్టర్, మోషన్ పోస్టర్ ను విడుదల చేసిన విషయం తెల్సిందే. అలాగే పవన్ 28 మూవీ కి కూడా అప్ డేట్ మాత్రం ఇస్తున్నారని కన్ఫర్మ్ అయ్యింది.