అనసూయపై ప్రతీకారం తీర్చుకున్న హైపర్ ఆది!

అతి తక్కువ సమయంలో ప్రజలకు చేరువైన షో జబర్దస్త్ కామెడీ షో. ఈ షో చూసినంత సేపు జనాలు పగలబడి నవ్వాల్సిందే. ఎంతో మంది కంటెన్టెంట్ లు వారి స్కిట్ లతో ప్రేక్షకులను నవ్విస్తూనే ఉన్నారు. ఎందరున్నా హైపర్ ఆది వేసే స్కిట్ లలో ఉండే పంచులు, జోకులకు జనం పగలబడి నవ్వాల్సిందేనండి. మరీ ముఖ్యంగా తన స్క్రిప్ట్ లో అనుసూయపై పంచులు లేనిది ఒక్కటి కూడా ఉండదంటే నమ్మలేం.

సుధీర్ తన స్క్రిప్ట్ లో ఏవిధంగా నైతే రష్మీని ఇన్ వాల్వ్ చేస్తాడో అదే విధంగానే హైపర్ ఆది కూడా అనసూయ యాంకర్ గా వచ్చినప్పుడు ఆమె పై వేసే పంచులు అందరికీ తెలిసిదే. కానీ ఈ సారి మాత్రం ఆది అనసూయను ఓ రేంజ్ లో తన స్కిట్ లో వేడేశాడు. ప్రేమ భిక్ష నువ్వే పెట్టి … అంటూ పాట పాడుతూ దేవదాసులో హీరోలాగా ఎంట్రీ ఇచ్చి అనసూయను షాక్ చేశాడు. దానితో అనసూయ నీకేమైనా పిచ్చా అంటూ అతని వైపు చూసింది.

ఆ స్కిట్ మొత్తం కూడా అనసూయపై పంచులు వేస్తూ తన ఫర్ఫామెన్స్ ను చూపించాడు హైపర్. మరీ ముఖ్యంగా పాట అయిపోయాక అనసూయతో.. ఎక్కడకు వెళ్తున్నావ్ అని హైపర్ డైలాగ్ విసిరితే…నీ కంటికి కనిపించకుండా దూరంగా వెళ్లిపోదామనుకుంటున్నా అంటూ ఏమోషనల్ సినిమాలో లాగా అనసూయ కౌంటర్ వేసింది. దీనితో హైపర్ ఆగకుండా ఇంకెక్కడికి వెళ్తావ్ కార్వాన్ లో కాజూ బిర్యాని తినడానికే కదా అంటూ సెటైర్ వేశాడు.

దీనితో జడ్జులుగా వ్యవహరించిన మను, రోజా లు పగలబడి నవ్వారు. హైపర్ ఆది వేసే సెటైర్లకు అనసూయ కూడా ప్రతి కౌంటర్ వేస్తూ బాగా ఎంజాయ్ చేసిందనే చెప్పొచ్చు. అయితే ఈ ఎపిసోడ్ అక్టోబర్ 22 న ఈ టీవీలో ప్రసారం కానుంది. ప్రేక్షకులకు ఎప్పుడూ బోర్ కొట్టించని హైపర్ ఆది ఈ ఎపిసోడ్ తో మరింత నవ్వులను పండించనున్నాడని అర్థమవుతోంది.