మీరు ప‌శువుల పేడతో ఏం చేస్తారు..? క‌ల్లాపి చ‌ల్లుతారు, గొబ్బెమ్మ‌లు పెడ‌తారు, ఇళ్లు అలుకుతారు.. అంతే క‌దా..? కానీ ఆ ఊర్లో పేడతో కొట్టుకుంటారు. ఒక‌రు ఇద్ద‌రు కాదు ఊరు ఊరంతా పేడతో కొట్టుకుంటారు. ఊరంతా పేడ వాస‌న‌తో నిండినా డోంట్ కేర్ అంటూ ఏంతో ఉత్స‌హంగా పేడతో కొట్టుకుంటూ వేడుక చేసుకుంటారు.
ఆ ఊర్లో ఉన్న వారంతా ఒక చోటుకు తీసుకు వ‌స్తారు. పెక్క‌డెక్క‌డో ఉన్న పేడను ఊరి వీధుల్లో పోస్తారు. ఇక ర‌చ్చ చేసేందుకు అంతా సిద్ధ‌మ‌వుతారు. ఒక‌రినోక‌రు ఆ పేడ ముద్ద‌ల‌తో బాదుకుంటారు. ఎక్క‌డా ఆగ‌కుండా దొరికిన వారిని దొరికిన‌ట్టు పేడతో నింపేస్తారు. ఇది కోపంతో కొట్టుకునేది కాదు. తాత‌ల కాలం నుంచి వ‌స్తున్న ఆచారం. దీన్ని ఎంతో నిష్ఠ‌తో వారు ఆచ‌రిస్తారు. ఈ వేడుకను దీపావళి పండ‌గ‌ను పుర‌స్క‌రించుకుని చేస్తారు.
ఇది ఎక్క‌డో కాదు మ‌న పక్క రాష్ట్ర‌లైన క‌ర్ణాట‌క- త‌మిళ‌నాడు స‌రిహ‌ద్దులో ఉన్న గుమ్మటపురాలో. ఇది ఇక్క‌డా ఏటా జ‌రిగే పండ‌గ. ఈ వేడుక సందర్భంగా చుట్టుపక్కల ఊర్లలో ఉన్న పేడంగా ఈ ఊర్లోకి తెస్తారు.ఆ పేడను ఒక వీధిలో వేసి కొట్టుకోవడం షూరు చేస్తారు. ఈ వేడుకను గోరెహబ్బా అని పిలుస్తారు. పేడతో కొట్టుకోవడం ఈ పండ‌గ‌లో ఆన‌వాయితి.
దీనికి కార‌ణం లేక‌పోలేదు. ఊర్లోని వారంతా భక్తితో కొలిచే బీరేశ్వర స్వామి ఆవు పేడలోనే పుట్టారని ఇక్క‌డి వారి న‌మ్మ‌కం. అందుకే, దీపావళి సందర్భంగా వీరంగా పేడతో కొట్టుకుంటారు.దీంతో ఆరోగ్యంగా ఉంటామ‌ని వారి న‌మ్మ‌కం. అయితే ఈ వేడుక‌లో పురుషులు మాత్రమే పాల్గొంటారు. షర్టులు వేసుకోకుండా ఈ పేడ వేడుక‌లో పాల్గొంటారు. దీనికి సంబంధించిన వీడియోలు ఇప్పుడు యూట్యూబ్ లో ట్రెండ్ అవుతున్నాయి. మీరు కూడా ఒక లుక్ వేయండి
ఇలాంటి సంప్ర‌దాయ‌లు ప్ర‌పంచంలో ప‌లు చోట్ల ఉన్నాయి. కానీ ఒక్కో చోట ఒక్కోలా చేస్తారు. అందులో స్పెయిన్‌లో ఏటా టమోటా ఉత్సవం జ‌రుపుకుంటారు. ఇక ఇటలీలో ఆరెంజ్ వార్ జ‌రుగుతుంది.అయితే ఆ ప్రాంతాల్లో పండ్ల‌తో కొట్టుకుంటారు. దాంతో పెద్ద‌గా వాస‌న ఏమీ ఉండ‌దు. కానీ మ‌న ద‌గ్గ‌ర పేడతో కొట్టుకుంటారు. ఎంత వాస‌న వ‌చ్చిన కానీ భ‌క్తి తో చేస్తామ‌ని అక్క‌డి వారు చెబుతున్నారు.