పవర్ స్టార్ పవన్ కళ్యాణ్ – హరీష్ శంకర్ కాంబినేషన్ లో.. గతంలో గబ్బర్ సింగ్ వచ్చి ఇండస్ట్రీ హిట్ గా నిలిచిన సంగతి తెలిసిందే. ఆ సినిమాలో హరీష్ శంకర్ పవన్ కళ్యాణ్ ని చూపించిన విధానం ఇండస్ట్రీ వర్గాలందరిని ఎంతగానో ఆకట్టుకుంది. విమర్శకుల ప్రశంసలు అందుకున్నాడు. చెప్పాలంటే మళ్ళీ ఆ రేంజ్ హిట్ పవన్ కళ్యాణ్ – హరీష్ శంకర్ కాంబినేషన్ రావాలని ఎంతో ఆసక్తిగా పవన్ కళ్యాణ్ అభిమానులు ఎదురు చూస్తున్నారు.
కాగా మళ్ళీ పవన్ కళ్యాణ్ – హరీష్ శంకర్ కాంబినేషన్ లో పవన్ కెరీర్ లో 28 వ సినిమా అనౌన్స్ చేసిన సంగతి తెలిసిందే. కాన్సెప్ట్ పోస్టర్ తో సినిమా మీద భారీ అంచనాలు నెలకొన్నాయి. ప్రముఖ నిర్మాణ సంస్థ మైత్రీ మూవీ మేకర్స్ భారీ బడ్జెట్ తో ఈ సినిమాని నిర్మిస్తున్నారు. ఇక ఈ సినిమాలో మాస్ ఎంటర్‌టైన్‌మెంట్ తో పాటు గొప్ప సోషల్ మెసేజ్ కూడా ఇవ్వబోతున్నాడట హరీష్ శంకర్. అంతేకాదు పవన్ కళ్యాణ్ రాజకీయాలకి ఉపయోగపడేలా కాస్త పొల్టికల్ టచ్ కూడా ఇస్తున్నట్టు సమాచారం.
కాగా విశ్వసనీయ వర్గాల ద్వారా అందుతున్న సమాచారం ప్రకారం ఈ సినిమాలో పవన్ కళ్యాణ్ డ్యూయల్ రోల్ లో కనిపించబోతున్నాడని తెలుస్తోంది. ఈ సినిమాలో పవన్ కళ్యాణ్ తండ్రీ కొడుకులుగా కనిపించబోతున్నట్టు సమాచారం. పవన్ కళ్యాణ్ కెరీర్ లో డ్యూయల్ రోల్ చేసిన సినిమాలు చాలా తక్కువ. కాబట్టి ఖచ్చితంగా ఈ సినిమా బ్లాక్ బస్టర్ అన్న టాక్ కూడా మొదలైంది. ఇక హరీష్ శంకర్ మేకింగ్ గురించి ప్రత్యేకంగా చెప్పనవసరం లేదు. అందులో పవర్ స్టార్ అంటే ఇక ఆ సినిమా కోసం ప్రాణం పెట్టేస్తాడు. అందుకే గబ్బర్ సింగ్ ని మించి భారీ ఇండస్ట్రీ రికార్డ్ ని క్రియోట్ చేస్తుందన్న నమ్మకంగా ఉన్నారట.