అన్నం ఉడికేటప్పుడు అందులో కొంచెం నూనె వేస్తే అన్నం పొడి పొడిగా ఉంటుంది.
కూరలో ఉప్పు ఎక్కువైతే అందులో కాస్త బియ్యం పిండి కలిపితే కరెక్ట్ గా ఉంటుంది.
గుడ్లు వండే ముందు వాటిని ఓసారి చెక్ చేయండి. ఓ జగ్గు నిండా నీళ్లు తీసుకుని గుడ్డుని ఆ నీటిలో వేయాలి. గుడ్డు నీటిలో తేలితే అది నిల్వ ఉన్నదని అర్థం. అలా కాకుండా గుడ్డు నీటి అడుగుకు చేరి అడ్డంగా పడితే ఆ గుడ్డు తాజాగా ఉన్నాదని అర్థం.
ఓవెన్ లో 160 డిగ్రీస్ వద్ద పదిహేను నిమిషాల పాటు గుడ్లు ఉంచి తింటే బాగుంటాయి.
ఐస్ క్రీమ్ తెచుకున్నాక ఆ బాక్స్ ను ఓ కవర్ లో చుట్టి డీప్ ఫ్రిజ్ లో పెట్టుకుంటే ఎప్పుడైనా తినేందుకు వీలుగా ఉంటుంది.
కూరల్లో మసాలా ఎక్కువగా అనిపించినప్పుడు రెండు టమాటాలు ఉడికించి కూరలో కలపండి. మసాలా ఘాటు తగ్గి మంచి రుచిగా వుంటుంది.
చిన్న కొబ్బరి ముక్కను పెరుగు లో వేసి ఉంచితే తొందరగా పులిసి పోకుండా ఉంటుంది.
వంట గదిలో బొద్దింకలు ఉంటే.. కొన్ని వెల్లుల్లి రెబ్బల్ని దంచి నీటిలో కలిపి సింక్ పైప్ దగ్గర పెడితే బొద్దింకలు రావు.
బియ్యం, తృణ ధాన్యాలు నిల్వ చేసిన డబ్బాలో నాలుగు వెల్లుల్లి రేఖలు లేదా పసుపు కొమ్ములు వేస్తే పురుగు పట్టకుండా ఉంటాయి.
బంగాళదుంప నిల్వ చేసేటప్పుడు అందులో రెండు, మూడు వెల్లుల్లి రెబ్బలు నుంచి నిల్వ చేసుకుంటే ఎక్కువ రోజులు నిల్వ ఉంటాయి.
ఉప్మా రవ్వ ను ఎక్కువ రోజులు నిల్వ ఉంచితే పురుగు పట్టేస్తుంది. రవ్వ ను వేయించి చల్లారిన తర్వాత నిల్వ చేసుకుంటే పురుగు పట్టదు.