దాదాపు వంద రోజులకు పైగా తెలుగు టెలివిజన్ ప్రేక్షకులను అలరించిన బిగ్ బాస్ సీజన్ ఫోర్ గత ఆదివారం ముగిసిన సంగతి తెలిసిందే. టైటిల్ విన్నర్ గా అభిజిత్ గెలవడంతో.. అభి పేరు ప్రస్తుతం మారుమ్రోగుతోంది. ఇదిలా ఉండగా హౌస్ లో ఉన్న సమయంలో తనకి బయట ఉండి సపోర్ట్ చేసిన ప్రతి ఒక్కరికి ప్రతి ఇంటర్వ్యూ లో కృతజ్ఞతలు తెలుపుతూ అభి రాణిస్తున్న సంగతి తెలిసిందే.
ఇటువంటి తరుణంలో మెగా బ్రదర్ నాగబాబు తనకు సపోర్ట్ చేయడం పట్ల చాలా సందర్భాలలో బయటకు వచ్చి ఇంటర్వ్యూలలో అభిజిత్ కృతజ్ఞతలు తెలపడం మాత్రమే కాక పర్సనల్ గా కూడా కలుస్తాను అని మాట ఇవ్వడం జరిగింది. ఈ నేపథ్యంలో చెప్పిన మాట ప్రకారం తనకు సపోర్ట్ చేసిన నాగబాబుని ప్రత్యేకంగా ఆయన నివాసంలో కలిసి ఆయన తో దిగిన ఫోటోలను సోషల్ మీడియాలో పోస్ట్ చేశారు.
ఇదే సందర్భంలో శ్రీకాంత్, వరుణ్ సందేశ్, రాహుల్ సిప్లిగంజ్, వితిక ని కూడా కలవటానికి అభిజిత్ రెడీ అవుతున్నట్లు వార్తలు వస్తున్నాయి. ఏది ఏమైనా తనకి బయట ప్రముఖుల నుండి గత సీజన్ లో హౌస్ లో ఉన్న కంటెస్టెంట్ లకు రాని రీతిలో తనకి సపోర్ట్ రావటం పట్ల చాలా సంతోషంగా ఉన్నట్లు అభి సోషల్ మీడియాలో చెప్పుకొస్తున్నాడు.