Trisha : సౌత్ ఇండియా లో టాప్ హీరోయిన్ గా రాణిస్తున్న త్రిష ఒకానొక సందర్భంలో టాలీవుడ్ ఇండస్ట్రీలో చేతినిండా సినిమాలు కలిగిన బిజీ హీరోయిన్ గా ఉండేది. టాలీవుడ్ ఇండస్ట్రీలో ఆల్ మోస్ట్ ఆల్ టాప్ హీరోలందరి సరసన ఈ ముద్దుగుమ్మ నటించడం జరిగింది. ఇదిలా ఉంటే మెగా హీరో సరసన త్రిష త్వరలో సినిమా చేయనున్నట్లు ఇండస్ట్రీ వర్గాల నుండి టాక్. పూర్తి విషయంలోకి మెగాస్టార్ చిరంజీవి సరసన త్రిష సినిమా చేయడానికి రెడీ అవుతున్నట్లు వార్తలు వస్తున్నాయి.
గతంలో 2007వ సంవత్సరంలో “స్టాలిన్” సినిమాలో త్రిష చిరంజీవి కలిసి నటించటం అందరికీ తెలిసిందే. మురుగదాస్ దర్శకత్వంలో వచ్చిన ఈ సినిమా భారీ అంచనాల మధ్య విడుదలైన యావరేజ్ టాక్ సొంతం చేసుకుంది. ఇదిలా ఉంటే మళ్ళీ మెగాస్టార్ పక్కన దాదాపు 14 సంవత్సరాల తర్వాత త్రిష నటించడానికి తాజాగా గ్రీన్ సిగ్నల్ ఇచ్చినట్టు వార్తలు వస్తున్నాయి. పూర్తి విషయంలోకి వెళితే మలయాళం రీమేక్ “లూసిఫర్” సినిమాలో మెగాస్టార్ సరసన త్రిష హీరోయిన్ గా కన్ఫర్మ్ అయినట్లు లేటెస్ట్ ఇండస్ట్రీ టాక్. మోహన్ రాజా దర్శకత్వంలో తెరకెక్కుతున్న నేపథ్యంలో ఇప్పటికే త్రిషకి స్క్రిప్ట్ వినిపించినట్లు ఆమె ఓకే అన్నట్లు సమాచారం. ఈ నేపథ్యంలో త్వరలోనే అధికారిక ప్రకటన సినిమా యూనిట్ చేయనున్నట్లు సరికొత్త టాక్ వినపడుతోంది. ప్రస్తుతం త్రిష మణిరత్నం దర్శకత్వంలో తమిళంలో పొన్నిన్ సెల్వన్ అనే సినిమా షూటింగ్ చేస్తూ ఉంది. ఈ సినిమా అయిన వెంటనే లూసిఫర్ షూటింగ్లో త్రిషా జాయిన్ అయ్యే అవకాశం ఉన్నట్లు సమాచారం. ఆలోపు మెగాస్టార్ చిరంజీవి కూడా కొరటాల “ఆచార్య” కంప్లీట్ చేసుకుంటారని..తర్వాత వెంటనే “లూసిఫర్” స్టార్ట్ చేస్తారని ఇండస్ట్రీ వర్గాలలో వార్తలు వైరల్ అవుతున్నాయి.