Uppena movie – Pavan Kalyan : నీ కళ్ళు నీలి సముద్రం, జల జల జలపాతం నువ్వు.. అంటూ వినసొంపైన పాటలతో సంగీత ప్రేమికులను మంత్రముగ్ధులను చేసిన ఆ సినిమా పాటలు ఎంత ఆకట్టుకున్నాయో అందరికీ తెలిసిందే.. మెగాస్టార్ చిరంజీవి మరో మేనల్లుడు సాయి ధరమ్ తేజ్ సోదరుడు వైష్ణవి తేజ్ హీరోగా పరిచయం అవుతున్న చిత్రం ఉప్పెన.. ఈ సినిమాలో కృతి శెట్టి హీరోయిన్ గా నటిస్తుంది. ఉప్పెన సినిమా ట్రైలర్ , ప్రమోషనల్ కంటెంట్ ను వైష్ణవ్ తేజ్, దర్శకుడు బుచ్చిబాబు, నిర్మాత రవి శంకర్ పవన్ కళ్యాణ్ కు చూపించారు.. కంటెంట్ ను చూసిన పవన్ కళ్యాణ్ అద్భుతమైన రివ్యూ ఇచ్చారు..
పవన్ కళ్యాణ్ రివ్యూ.. !!
వైష్ణవ్ తేజ్ హీరోగా మొదటి సినిమా లోనే చాలా మంచి పాత్రను పోషించాడు.. మొదటి అడుగులోనే సవాల్ తో కూడుకున్న పాత్ర తీసుకున్న వైష్ణవ్ ను కచ్చితంగా ప్రేక్షకుల మన్ననలను పొందుతాడు.. ఉప్పెన లో వైష్ణవ్ చాలా ఆకట్టుకునేలా ఉన్నాడు. దర్శకుడు ఈ కథను సమర్ధవంతంగా తెరకెక్కించారు. మనకు పరిచయం ఉన్న జీవితాలను.. అందులోని ఎమోషన్స్ ను.. మన నేటివిటీ ని కళ్ల ముందుకు తీసుకు వచ్చే సినిమాలు ఎప్పటికీ గుర్తుండిపోతాయి.. వీటికి సెల్ఫ్ లైఫ్ ఎక్కువ.. ఉప్పెన సినిమా లోని ఎమోషన్స్ తప్పకుండా ప్రేక్షకులకు నచ్చుతాయి. ఇటువంటి మంచి కథను తెరకెక్కించిన , దర్శకుడు బుచ్చిబాబు కి , నిర్మాత లకు, సాంకేతిక నిపుణులకు , నటి నటులకు నా అభినందనలు. ఈ సినిమా ఘన విజయం సాధించాలని కోరుకుంటున్నాను అని ఆయన అన్నారు.
మైత్రి మూవీ మేకర్స్ – సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నారు. కోలీవుడ్ స్టార్ హీరో విజయ్ సేతుపతి ఈ సినిమాలో విలన్ గా నటిస్తున్నారు. స్టార్ మ్యూజిక్ డైరెక్టర్ దేవిశ్రీ ప్రసాద్ ఈ సినిమాకు సంగీతం అందిస్తున్నారు. ఇలా ఈ మూవీపై అభిమానుల్లో మొదటినుంచి అంచనాలు ఉన్నాయి. ఇక వాటికి తగ్గట్టుగా ఈ సినిమా నుంచి విడుదలైన ట్రైలర్ తో మరింత పెరిగాయి. రేపే ఈ సినిమా విడుదల కాబోతుంది.