Nani : నేచురల్ స్టార్ నాని Nani వి సినిమా తర్వాత వరుసగా సినిమాలని లైన్ లో పెట్టాడు. ప్రస్తుతం ‘టక్ జగదీష్’ సినిమా రిలీజ్ కి రెడీ అవుతోంది. ఇటీవల ఈ సినిమా నుంచి రిలీజైన ట్రైలర్ సినిమా మీద భారీగా అంచనాలు మొదలయ్యాయి. రీతువర్మ, ఐశ్వర్య రాజేష్ హీరోయిన్స్ గా నటించిన ఈ సినిమాకి నిన్నుకోరి, మజిలీ చిత్రాల దర్శకుడు శివ నిర్వాణ దర్శకత్వం వహించాడు. కాగా ఈ సినిమా రిలీజ్ కి రెడీ చేస్తూనే మరో రెండు సినిమాలని సెట్స్ మీదకి తెచ్చాడు.
నాని.. ప్రస్తుతం శ్యామ్ సింగరాయ్ అన్న టైటిల్ తో తెరకెక్కుతున్న సినిమా షూటింగ్ లో బిజీగా ఉన్నాడు. ఈ సినిమాలో నాని కి జంటగా ఫిదా బ్యూటీ సాయిపల్లవి, ఉప్పెన ఫేం కృతి శెట్టి హీరోయిన్లుగా నటిస్తున్నారు. ఈ సినిమాకి టాక్సీవాలా ఫేమ్ రాహుల్ సంకృత్యన్ దర్శకత్వం వహిస్తున్నాడు. ఇప్పటికే రిలీజ్ అయిన శ్యామ్ సింగరాయ్ ఫస్ట్‌లుక్ నాని అభిమానుల తో పాటు ప్రేక్షకుల నుంచి మంచి స్పందన దక్కింది. పీరియాడికల్ డ్రామాగా తెరకెక్కుతున్న ఈ సినిమా షూటింగ్ శరవేగంగా సాగుతోంది.
Nani : నాని శ్యామ్ సింగరాయ్ సినిమా నుంచి ఉగాది పండుగ సందర్భంగా టీజర్ రాబోతుందట..?
కాగా ఈ సినిమా నుంచి టీజర్ రిలీజ్ కాబోతున్నట్తు లేటెస్ట్ న్యూస్ ఒకటి బయటకి వచ్చింది. వచ్చే నెల ఉగాది పండుగ సందర్భంగా నాని శ్యామ్ సింగరాయ్ సినిమా నుంచి టీజర్ రాబోతుందట. ఇక ఈ సినిమా తర్వాత నాని అంటే సుందరానికి అన్న సినిమా చేయబోతున్నాడు. ఇప్పటికే ఈ సినిమా టైటిల్ పోస్టర్ రిలీజై ప్రేక్షకులను బాగా ఆకట్టుకున్న సంగతి తెలిసిందే. ఇక ఈ సినిమాతో నజ్రియా టాలీవుడ్ కి ఎంటరవుతోంది. కంప్లీట్ ఫ్యామిలీ ఎంటర్‌టైనర్ గా తెరకెక్కబోతున్న అంటే .. సుందరానికి సినిమా ఈ ఏడాదే ప్రేక్షకుల ముందుకు తీసుకు వచ్చేందుకు మేకర్స్ ప్లాన్ చేస్తున్నారట.