Happy life: జీవితం అంటే ఏమిటి? జీవితం లో ఏమి ఉంటే సుఖంగా ఉంటారు. కష్టాలు ఎందుకువస్తున్నాయి?సుఖాలు ఎందుకు వస్తున్నాయి? జీవితం లో అనుకున్నది అనుకున్నట్టు ఎందుకు జరగవు? అసలు జీవితం మొత్తం లో సాధించవలసింది ఏమిటి?కష్టాలు లేకుండా సుఖాలు మాత్రమే ఉన్న జీవితాలు ఉన్నాయా?
జీవితం ఒడిదుడుకులు లేకుండా సాగాలంటే మనిషికి కావలిసింది ఏమిటి?నిత్య జీవితం లో ఇలాంటి ఎన్నో ప్రశ్నలు మనకు ఎదో ఒక సమయం లో రాక మానవు… జీవితం అంటే కష్ట సుఖాల సమాహారం… ఏ మనిషి జీవితం లోను పూర్తి సుఖాలు,పూర్తి కష్టాలు ఉండవు. ఎవ్వరి జీవితం తీసుకున్న ఎవ్వరి కి ఉండే సుఖం వారికీ ఉంటుంది. ఎవరికీ ఉండవలిసిన కష్టం వారికీ వారి స్థాయిని బట్టి ఉంటూనే ఉంటుంది.
ఎప్పుడు ఎదో ఒక సమస్య వస్తూనే ఉంటుంది నాకు… నాకే ఎందుకిలా అని అనిపిస్తుంటుంది.. అది చాల పొరపాటు అందరి జీవితం లో అలానే జరుగుతుంది. అయితే మనకు వచ్చిన కష్టం ఇంకొకరికి సుఖం కావొచ్చు… ఇంకొకరి వచ్చిన సుఖం మనకు కష్టం గా అనిపించవచ్చు. వీటన్నిటికీ కారణం కేవలం మన భావనలే కారణం. సహజం గా మనిషి గుణమే అలాంటిది.. ఎదో లేదని ఏడుస్తుంది.. అది అందాకా ఇంకొకటి కావాలని ఏడుస్తుంది.. లేని వాటి కోసం ఉన్నవాటిని వదులుకుని ఆలోచిస్తాం.. అందుకే జీవితం కష్టం గా అనిపిస్తుంది.. కష్టాలు వస్తాయి.. పోతాయి వాటిని పట్టించుకుని బాధ పడక్కరలేదు.
కష్టం వెనుక సుఖం ,సుఖం వెనుక కష్టం ఒకదాని తర్వాత ఒకటి వచ్చి పోతూనే ఉంటాయి.వాటిని తట్టుకోవాలంటే భగవంతుడి నామస్మరణా చేస్తూ ముందుకు సాగిపోతే జీవితం చాల సుఖంగా ఉంటుంది అని గుర్తు పెట్టుకోవాలి. ఇంకా చెప్పాలంటే జీవితం ఒక సినిమా లాంటిది. సినిమా లో ఎవ్వరి క్యారక్టర్ వాళ్ళు ఎలా చేసి వెళ్ళిపోతారో.. జీవితం లో కూడా అంతే … నిన్ను కష్టపెట్టేవాళ్ళు ,సుఖ పెట్టేవాళ్ళు ,నవ్వించే వాళ్ళు ఏడిపించే వాళ్ళు ఒకరి తర్వాత ఒకరు వచ్చి పోతూనే ఉంటారు. వాళ్ళు ఏడిపించారని, నష్టం చేసారని ఎవ్వరిమీద కోపం,ద్వేషం పెంచుకోకూడదు.జీవితం సుఖంగా ఉండాలంటే తృప్తి చాల అవసరం.
తృప్తి లేకపోతే జీవితం లో ఎన్ని ఉన్న సంతోషం అనేది ఉండదు. అదే తృప్తి ఉంటే ఏమి లేకపోయినా సుఖం గానే ఉంటుంది. జీవితం లో విజయవంతం కావాలంటే భగవంతుడిని నమ్మండి మీకు నమ్మకం లేకపోతే పాజిటివ్ ఎనర్జీ ఉందని నమ్మండి ,. ఫలితం కోసం చూడకుండా కస్టపడి ప్రాణం పెట్టి పని చేసుకుంటూ పొండి.ఇతర ప్రాణులకూ ఎంతో కొంత సహాయపడండి.. ఇదే జీవితమంటే..