Delta Variant: కరోనా వైరస్ కలకలం కొనసాగుతున్న సంగ‌తి తెలిసిందే. ఈ మ‌హ‌మ్మారి అనేక రూపాంతరాలు చెందుతోంది. కొత్తకొత్త వేరియంట్లతో ప్రపంచాన్ని వణికిస్తోంది. ప్రస్తుతం డెల్టా వేరియంట్ దుంప తెంచుతున్న‌ట్లు ప్ర‌చారం జ‌రుగుతున్న త‌రుణంలో.. దీనికంటే లాంబ్డా వేరియంట్ ప్రమాదకరంగా మారింద‌ని నిపుణులు చెప్తున్నారు. డెల్టా కంటే లాంబ్డా వేరియంట్ మరింత ప్రమాదకరమని మలేసియా ఆరోగ్యశాఖ ప్రకటించింది.
Read More : Corona: కరోనా థ‌ర్డ్ వేవ్ ఎప్పుడో తెలిస్తే షాకే..ఎస్‌బీఐ ఏం చెప్తుందదంటే…
ఇది ప‌రిస్థితి…
గత నాలుగు వారాల్లో లాంబ్డా వేరియంట్ ను దాదాపు 30 దేశాల్లో గుర్తించారు. ప్రస్తుతం మరిన్ని దేశాలకు ఈ వేరియంట్ విస్తరిస్తోంది. ఈ వేరియంట్ కు లాటిన్ అమెరికా, దక్షిణ అమెరికా, ఐరోపా దేశాలు భయపడుతున్నాయి. లాంబ్డా వేరియంట్ వేగంగా వ్యాపిస్తోందని ప్రపంచ ఆరోగ్య సంస్థ కూడా ఆందోళన వ్యక్తం చేసింది. కరోనా మరణాల రేటు ఎక్కువగా ఉన్న పెరూ దేశం నుంచి లాంబ్డా వైరస్ పుట్టినట్లు మలేసియా ఆరోగ్యశాఖ ట్విట్టర్ ద్వారా తెలిపింది. యూకేలో గుర్తించిన లాంబ్డా వేరియంట్ డెల్టా వేరియంట్ కంటే మూడు రెట్లు ప్రమాదకరమైనదని తెలిపింది. పెరూలో గత రెండు నెలల్లో బయటపడిన కరోనా నమూనాల్లో లాంబ్డా దాదాపు 82 శాతం ఉందని పాన్ అమెరికన్ హెల్త్ ఆర్గనైజేషన్ చెప్పింది.
Read More: Corona: గుడ్ న్యూస్ఃమ‌న‌కు కరోనా ముప్పు త‌క్కువే!
ఈయ‌న మాత్రం రికార్డు..
కరోనా తో చాలామంది తమ ప్రాణాలు కోల్పోయారు. కరోనా నుంచి కోలుకున్నా.. ఆ తర్వాత బ్లాక్ ఫంగస్‌తోనో లేదా ఆర్గాన్ ఫెయిల్యూర్‌తోనో మృత్యువు బారినపడుతున్నారు. కానీ, ముంబైకి చెందిన ఒక వ్యక్తి మాత్రం కరోనా, బ్లాక్ ఫంగస్, ఆర్గాన్ ఫెయిల్యూర్ వీటన్నింటి నుంచి కోలుకొని డిశ్చార్జ్ అయ్యాడు. ముంబైకి చెందిన 54 ఏళ్ల భరత్ పంచల్ అనే వ్యక్తి ఈ రికార్డు సృష్టించారు.