Confusion: 1. పొదుపు అనేది లేకుండా ఉండకండి. మీరు సంపాదించిన దానిలో కనీసం 10 శాతం దాచండి. అది మీకు ఆర్థిక భద్రత ఇవ్వడం తో పాటు ఆత్మ విశ్వాసాన్ని పెరిగేలా చేస్తుంది.ఆబ్బె నాకు వచ్చేది మా అవసరాలు తీరవు అని అంటారా… అయితే కొన్ని ఖర్చులు తగ్గించి 5 శాతం అయినా దాచుకోండి.
2.రోజులో ఎంతో కొంత సేపు వ్యాయామం చేయాలి . మన శరీరం కదిలితే మాత్రమే ఆరోగ్యంగా ఉండే విధంగా డిజైన్ చేయబడింది. దానికి వ్యతిరేకం గా ప్రవర్తిస్తే రోగాలు వచ్చేస్తాయి.
3.ఎవరైనా ఏదైనా అడిగినప్పుడు ‘నో’ చెప్పాలని ఉన్నప్పుడు ‘నో’ చెప్పడం అలవాటు చేసుకోండి. మీరు చెప్పిన ‘నో’ తో ఎదుటివారు కాసేపు మాత్రమే బాధ పడతారు. అదే ‘ఎస్’ చెప్పి చేయలేక పొతే అది వారిని ఇంకా ఎక్కువ బాధ పడేలా చేస్తుంది.
4.చాలామంది నేర్చుకోవడం అనేది కాలేజీ వరకు పరిమితం అని భావిస్తుంటారు. కాలేజ్ తర్వాత కూడా మనం నేర్చుకుంటూ ఉంటే, ఎప్పుడు అప్డేట్ గా ఉంటాము. అలా కొత్త విషయాలు నేర్చుకోవడం వలన జీవితం ఎప్పుడు కొత్తగా ఉండటంతో పాటు కెరీర్ కూడా ఉన్నతంగా ఉంటుంది. కాబట్టి నేర్చుకోవడాన్ని నిర్లక్ష్యం చేయకండి . మీకు ఎందులో ఆసక్తి ఉంటే దాన్ని నేర్చుకోండి.ఎప్పటికప్పుడు నేర్చుకుంటూనే ఉండండి.
5. మానసిక , శారీరక అలసటను పోగొట్టి ఉత్సహం ఇచ్చేది నిద్ర మాత్రమే… మీరు ఇంకా ఏమి చేసిన వాటిని పొందలేరు. అలాంటి నిద్రనే చాలా మంది నిర్లక్ష్యం చేస్తారు. పార్టీలు , సెకండ్ షో సినిమా చూడడం,ఇంటర్నెట్ లో గడపడం కోసం ఇలా చిన్న విషయాలకు కూడా నిద్ర నిర్లక్ష్యం చేస్తుంటారు. ఎట్టి పరిస్థితుల్లో నిద్ర విషయంలో నిర్లక్ష్యంగా ఉండకండి . ఆరోగ్యంగా, ఆనందంగా ఉండాలనుకుంటే సరిపడినంత నిద్రపోండి.