Prakash Raj: సౌత్ ఇండియా లో మాత్రమే కాక బాలీవుడ్ ఇండస్ట్రీలో కూడా తిరుగులేని యాక్టింగ్ తో తనకంటూ ఫ్యాన్ ఫాలోయింగ్ సంపాదించుకున్న వ్యక్తి ప్రకాష్ రాజ్. సినిమా లో ఎటువంటి క్యారెక్టర్ అయినా చేయగలిగే సత్తా ఉన్న ప్రకాష్ రాజ్… ఎక్కువగా విలన్ పాత్రలో నటించి ప్రేక్షకులను ఎంతగానో అలరించడం జరిగింది. సినిమాల్లో నటించి బాగా సంపాదించడం అనే టైపు వ్యక్తి మాదిరిగా కాకుండా సమాజం పై బాధ్యతగా ఉంటూ ప్రభుత్వాలను ప్రశ్నించాల్సిన టైంలో ప్రశ్నించడం ప్రజలకు సాయం చేయాల్సిన టైం లో సాయం చేయడం తో పాటు… బలహీనులకు అండగా ఉండటం లో ఎప్పుడు ప్రకాష్ రాజ్ ముందు వరుసలో ఉంటారు.
తెలంగాణ రాష్ట్రంలో వెనుకబడిపోయిన కొన్ని గ్రామాలను కూడా ప్రకాష్ రాజ్ దత్తత తీసుకుని నిస్వార్ధంగా అక్కడ ప్రజలకు… ఎన్నో సహాయ సహకార కార్యక్రమాలు చేస్తూ గ్రామాన్ని అభివృద్ధి చేస్తూ ఉన్నారు. అటువంటి ప్రకాష్ రాజ్ ఇటీవల ఓ పేద కుటుంబానికి ఉపాధి లేని టైంలో ఏకంగా జెసిబి నీ బహుమతిగా అందించి ఆ కుటుంబం లో సంతోషాన్ని నింపారు. అనేక ఆర్థిక ఇబ్బందులు ఎదుర్కొంటున్న మైసూర్ శ్రీరంగపట్నం కు చెందిన ఓ ఫ్యామిలీకి తన ఫౌండేషన్ తరఫున… ప్రకాష్ రాజ్ జెసిబి మెషిన్ కొన్నివ్వడం జరిగింది.
ప్రకాష్ రాజ్ చేసిన సాయంతో ఆ కుటుంబంలో సంతోషం వెల్లివిరిసింది. అంత మాత్రమే కాక కరోనా కష్టకాలంలో తన ఫౌండేషన్ ద్వారా ఎన్నో సేవా కార్యక్రమాలు ప్రకాశ్రాజ్ చేయడం జరిగింది. తెలుగు రాష్ట్రాల్లో మాత్రమే కాక కర్ణాటకలో 6 ప్రభుత్వ పాఠశాలలను తన సొంత ఖర్చులతో నిర్మించి అక్కడ పేదలకు చదువు అందేలా చేయడం జరిగింది. ఇటువంటి గొప్ప మనసు ఉన్న ప్రకాష్ రాజ్ ప్రస్తుతం ” అధ్యక్ష ఎన్నికల్లో పోటీ చేస్తున్నారు. కచ్చితంగా ఆయన గెలవాలని ఎంతోమంది సినిమా ఇండస్ట్రీకి చెందిన వారితో పాటు సామాన్య ప్రజలు కోరుకుంటున్నారు.