House: అవకతవకలుగా
నూతన గృహ నిర్మాణ సమయంలో యజమాని పర్యవేక్షణ అనేది తప్పనిసరి. కాంట్రాక్టర్ మనకు ఎంత తెలిసినవాడైనప్పటికీ సూపర్వైరజర్, తాపీ మేస్త్రీ, పని చేసే కూలీలు వెళ్లాలో ఎవరో ఒకరు తెలిసో, తెలియకో కొన్ని అవకతవకలుగా చేసే అవకాశం ఉంది. ఇలాంటి వాటినుండి నష్టపోకుండా జాగ్రతగా ఉండడం చాలా అవసరం. అయితే ఈ విధంగా దగ్గర ఉండి చూసుకునే యజమాని కొన్ని అంశాల మీద దృష్టి పెట్టవలిసి ఉంటుంది.
House: రెండు విషయాలు గుర్తు పెట్టుకోవాలి
గృహ నిర్మాణం జరుగుతున్నప్పుడు అక్కడ జరిగే పనిని బట్టి ఆ ఇంటి యజమాని కొన్ని నిమిషాల నుంచి రోజంతా ఆ స్థలంలో ఉండవలిసి వస్తుంది. అప్పుడు రెండు విషయాలు గుర్తు పెట్టుకోవాలి. మొదటిది ఎక్కడ ఉండి పర్యవేక్షణ చేయాలి? రెండవది ఎటు చూస్తూ ఉండాలి?
గృహ నిర్మాణ స్థలం ఏ సింహద్వారం ఉన్నా,ఎటుప్రక్క రోడ్డు ఉన్నా కూడా గృహ నిర్మాణ స్థలానికి దక్షిణం, నైరుతి, పశ్చిమం ఈ మూడు దిశలలో అక్కడ అవసరాన్ని బట్టి ఏదో ఒక దిశన ఉంటూ తూర్పు, ఈశాన్యం, ఉత్తరం ఈ మూడింటిలో ఏదో ఒక దిశను చూస్తూ పనులను పర్యవేక్షణ చేయాలి.
House: మట్టి నిoపేటప్పుడు
ఇంటి బయట, కాంపౌండు లోపల భాగాన్ని గృహావరణం అని అంటారు. గృహ ఆవరణలో మట్టి నింపేటప్పుడు కూడా జాగ్రత్తలు తప్పనిసరి. ఆ ప్రదేశాలలో నింపే మట్టి లేదా కంకరు శ్రేష్టమైనడి మాత్రమే తీసుకోవాలి. పాడుమట్టి, పాత ఇళ్ళ మట్టి, డెబ్రనిస్ వంటి వాటితో నింపకూడదు. గృహ ఆవరణలో మట్టి నిపేటప్పుడు నైరుతి నుంచి ఆగ్నేయం వరకు నైరుతి నుంచి వాయువ్యం వరకు నింపిన తర్వాత ఆగ్నేయం నుంచి ఈశాన్యం వరకు, వాయువ్యం నుంచి ఈశాన్యం వరకు నింపి, ఆ తర్వాత బాగా నీరు పెట్టిన తర్వాత నైరుతిలో మొదలుపెట్టి ఇదే క్రమంలో గలాయింపు చేయవలెను.