Ghee: పాలలో నెయ్యి కలుపుకొని తాగడం ఏంటి విడ్డూరం కాకపోతే అని అనుకుంటున్నారా..!? మనం సాధారణంగా నెయ్యి ని వేడి వేడి అన్నంలో, ఆవకాయలో, చపాతి కాల్చడానికి, బొబ్బట్లు లో వేసి తినడానికి ఇలా రకరకాల ఆహారాలతో కలిపి తీసుకుంటాం..!! అదేంటి ఇప్పుడు పాలలో కలిపి తీసుకొమంటారు అని ఆశ్చర్యపోతున్నారా..!? ఈ రెండింటినీ కలిపి తీసుకుంటే ఎటువంటి ఆరోగ్య ప్రయోజనాలు కలుగుతాయో తెలిస్తే తప్పకుండా మీరే తీసుకుంటారు..!! ఆ ప్రయోజనాలను ఇప్పుడు తెలుసుకుందాం..!!
Ghee: పిల్లలకి జ్ఞాపకశక్తి, తెలివితేటలు పెరగడానికి ఈ పాలను ప్రతిరోజు ఇవ్వండి..!!
పాలలో కాల్షియం సమృద్ధిగా లభిస్తుంది. పాల ను సంపూర్ణ ఆహారంగా ఆరోగ్య నిపుణులు సూచిస్తున్నారు.. పాల లో ఆరోగ్యకరమైన కొవ్వులు ఉంటాయి. నెయ్యి లో యాంటీ ఆక్సిడెంట్లు పుష్కలంగా ఉంటాయి. ఇంకా యాంటీ బ్యాక్టీరియల్, యాంటీ ఫంగల్ లక్షణాలు కలిగి ఉండడంతో నెయ్యి ని సూపర్ ఫుడ్ గా అభివర్ణిస్తారు. ఒక గ్లాస్ గోరు వెచ్చని పాలలో ఒక స్పూన్ నెయ్యి కలిపి తీసుకుంటే ఆరోగ్యానికి ఎంతో మేలు చేస్తుందని ఆరోగ్య నిపుణులు చెబుతున్నారు. పాలలో ఉండే విటమిన్ డి ఎముకలకు బలాన్ని ఇస్తుంది. ఇది శరీరానికి బాగా వంట పట్టడానికి నెయ్యి సహాయపడుతుంది. ఇది ఎముకల ఆరోగ్యాన్ని కాపాడతాయి. ఎముక సాంద్రత ను పెంచుతాయి. ఎముకలలో వచ్చే నొప్పిని, మంటను తగ్గిస్తుంది.
ఇందులో ఉండే ట్రిప్టోఫాన్ అనే సమ్మేళనం మన శరీరంలో సెరటోనిన్ ను ఉత్పత్తి చేస్తుంది. దీంతో నాడులు ప్రశాంతంగా ఉంటాయి. నాడీ వ్యవస్థను క్రమబద్ధం చేస్తాయి. జ్ఞాపకశక్తిని పెంచుతుంది. మెదడు చురుకుగా ఉండేలా చేస్తుంది. పిల్లల నుంచి పెద్దల వరకు పాలలో నెయ్యి కలిపి తీసుకోవడం వల్ల జ్ఞాపక శక్తి, తెలివితేటలు పెరుగుతాయి. మతిమరుపును పోగొడుతుంది. సెరటోనిన్ వల్ల శరీరంలో మెలటోనిన్ కూడా పెరుగుతుంది. దీంతో చక్కటి నిద్ర పడుతుంది. నిద్రలేమి సమస్యతో బాధపడుతున్న వారు ప్రతిరోజు రాత్రి ఒక గ్లాసు పాలలో ఒక స్పూన్ నెయ్యి కలుపుకుని తాగితే మెరుగైన ఫలితాలు కనిపిస్తాయి.
గర్భిణీ స్త్రీలు గోరువెచ్చటి పాలలో నెయ్యి కలిపి తీసుకుంటే కడుపులో బిడ్డ చక్కగా ఎదుగుతుంది. బిడ్డ ఎముకలు దృఢంగా తయారవుతాయి. ఉదయం పూట పాలలో నెయ్యి వేసుకొని తాగితే కంటి చూపు మెరుగుపడుతుంది దృష్టి సమస్యలను నివారిస్తుంది. అలసట, నీరసం, నిస్సత్తువ గా అనిపించినప్పుడు ఈ పాలను తాగితే తక్షణ శక్తి లభిస్తుంది.