Agening: మనం నిత్య జీవితంలో చేసే తప్పుల కారణంగా పెద్ద వయసు రాకముందే శరీరంలో ముడతలు రావడం, వద్ధాప్య ఛాయలు కనిపించడం జరుగుతుంది. అనారోగ్య సమస్యలు వెంటాడతాయి. మన దిన చర్యలో చెడు అలవాట్ల మూలంగా చిన్న వయసులోనే శరీరం బలహీనపడటం ప్రారంభం అవుతుంది. దీని వల్ల వ్యాధులు కూడా వచ్చే అవకాశం ఉంటుంది. శరీరంపై ముడతలు రావడం, నిర్జీవమైన చర్మం, జుట్టు రాలడం, తెల్ల జుట్టు సమస్య వంటిని ఎదుర్కోవాల్సి వస్తుంది. వీటి పరిష్కారం కోసం ఆరోగ్య నిపుణులు కొన్ని సూచనలు చేస్తున్నారు.
తీపి పదార్ధులు
తీపి పదార్ధులు ఎక్కువగా తీసుకోవడం హానికరం. షుగర్ వ్యాధి గ్రస్తులు తీపి తీసుకుంటే మరింత ఇబ్బందికర పరిస్థిలు ఏర్పడతాయి. తీపి ఎక్కువగా తీసుకోవడం వల్ల బరువు కూడా పెరుగుతారు. దీని వల్ల ఎక్కువ వయసు వారిగా కనబడుతుంటారు. మీరు ముడతల సమస్యను ఎదుర్కోవలసి ఉంటుంది.
నీరు ఎక్కువగా తాగాలి
శరీరం, చర్మం ఆరోగ్యంగా ఉండాలంటే నీరు ఎక్కువగా తీసుకోవాలి. తక్కువ నీరు తాగడం వల్ల డీహైడ్రేషన్ సమస్య వస్తుంది. అంటే చర్మం విపరీతంగా పొడిబారడం, అలసటగా అనిపించడం. వైద్య నిపుణులు చెబుతున్న దాని ప్రకారం.. రోజూ 8-10 గ్లాసుల నీరు తీసుకోవాలి. దీని వల్ల శరీరంలోని విష పదార్థాలు బయటకు వస్తాయి.
8 గంటలు నిద్ర పోవాలి
చిన్న వయసులో వృద్ధాప్యం రావడానికి ఒక కారణం తగినంత నిద్ర లేకపోవడం. చాలా మంది 5, 6 గంటలు మాత్రమే నిద్రపోతారు, ఇది చర్మానికి హానికరం. వాస్తవానికి నిద్రలో మన కండరాలు, కణాలు, చర్మం లోతుగా రిపేర్ అవుతాయి. ఇది శరీరాన్ని మెరుగు పరుస్తుంది. కానీ మీరు తక్కువ నిద్రపోతే సమయం కంటే ముందుగానే చర్మం ముడతలు పడినట్టు కనిపిస్తుంది.
ధూమపానం, మద్యపానం
అధిక ధూమపానం, మద్యపానం కూడా మనిషి శరీరానికి వృద్ధాప్యం తొందరగా తీసుకు వస్తుంది. ఈ రెండింటిలో డీహైడ్రేషన్ కారణంగా చర్మం పొడి బారుతుంది. దీని కారణంగా వయసు పైబడక ముందే ముఖంపై ముడతలు రావడం జరుగుతుంది.