Intinti Gruhalakshmi: నందు తులసి పై ఫైర్.. ఎస్సై కే సవాల్ విసిరిన తులసి..! అభిని కాపాడటానికి..

Intinti Gruhalakshmi: ఇంటింటి గృహలక్ష్మి సీరియల్ నేటి సాయంత్రం ప్రసారం కానున్న లేటెస్ట్ ఎపిసోడ్ తాజాగా విడుదలైంది.. ఈ 561 వ ఎపిసోడ్ హైలైట్స్ ఒకసారి చూసేద్దామా.. నేటి ఎపిసోడ్ లో ఎస్సై తులసి కి ఊహించని షాక్ ఇస్తే.. హిట్ ఎక్కే సన్నివేశాలతో స్పైసీగా చూపిస్తున్నారు.. ఇక ఆ ఎస్సై కే తులసి సవాల్ విసిరి నేటి ఎపిసోడ్ పై హైప్ క్రియేట్ చేసింది..!!

తులసి వెళ్లి అభిని కలవడం తెలిసిన నందు తులసి పై కొప్పడతాడు.. నీ మూలంగానే అభి నేడు జైల్ లో ఉన్నాడని.. అందుకే నేను అభిని కలవద్దని చెప్పానని నందు అంటాడు. ఇక లాస్య ఇంటి బాధ్యతలు తీసుకోమని నందుకు నచ్చచెప్పే ప్రయత్నం చేస్తుంది. ఇంతకు ముందు తులసి చేసిన తప్పులు చాలు ఇప్పుడు నువ్వు తీసుకోమని.. నువ్వైతే సరిగ్గా హ్యాండిల్ చేయొచ్చు అని చెబుతుంది. నందు లాస్య మాటలకు తులసి పై ఈ ఇంట్లో వాళ్లందరికీ నమ్మకం ఉందని.. అందరూ తనకే సపోర్ట్ చేస్తారని చెబుతాడు. పరిస్థితులు చెయ్యి దాటిపోయే పరిస్థితి వస్తె పగ్గాలు నేను తీసుకుంటానని చెబుతాడు.

Read More: Devatha Serial: నేనేమైనా నీ కన్న బిడ్డనా.!? సత్య హాస్పిటల్ కి వెళ్దామంటే రాధ ఏమంది.!?

ఇక తులసి లాయర్ ను తీసుకుని పోలీస్ స్టేషన్ కి వెళ్తుంది. లాయర్ ఇచ్చిన బెయిల్ పేపర్స్ తీసుకుని చూసి బెయిల్ ఒకే కానీ ముద్దాయి ఎక్కడ అని అడుగుతాడు. అదేంటి నిన్న మీరు జీపులో ఎక్కించుకుని తీసుకు వచ్చారు కదా అని అంటుంది తులసి. ఇక ఆ ఎస్సై అసలు అభి ఎవరో కూడా నాకు తెలియదని ఫ్లేట్ ఫిరాయిస్తాడు. రామ రామ నేను నిన్న ఎవ్వరిని అరెస్ట్ చేయలేదని.. ఒక వేళ అరెస్ట్ చేస్తే లాక్ అప్ లో పెట్టలిగా.. మరి లాక్ అప్ లో ఉన్నాడేమో చూడు అంటాడు.. అయినా నేను ఒక్కడినే అరెస్ట్ చేయను కదా.. నేను అబద్దం చెపితే కానిస్టేబుల్ వాళ్ళను అడగమని చెబుతాడు.. వాళ్ళు కూడా తెలియదని నువ్వే ఏదో పొరపాటు పడుతున్నవని బుకాయిస్తారు తులసిని..

ఇక తులసి మీరంతా కావాలని చేస్తున్నారని నాకు అర్థమైందని.. నిన్న జరిగిన విషయాన్ని మీరు మనసులో పెట్టుకుని ఇదంతా చేస్తున్నారని నాకు అర్థమైందని అంటుంది.. ఇంతటితో నేటి ఎపిసోడ్ ముగిస్తుంది.. ఇక రేపటి ఎపిసోడ్ లో తులసి అభిని ఎక్కడ ఉన్నా ఈ అమ్మ వెతికి పట్టుకుని తీరుతుందని.. ఆ ఎస్సై కి సవాల్ విసురుతోంది తులసి.. ఇక ఆ ఎస్సై కి ఎదురు తిరిగిన తులసి అభిని కాపాడుకుంటుందా లేదా అనేది తరువాయి భాగంలో చూద్దాం.