Rajamouli Balakrishna: దిగ్గజ దర్శకుడు రాజమౌళి ప్రస్తుతం RRR సినిమా ప్రమోషన్ కార్యక్రమాల్లో బిజీగా ఉన్న సంగతి తెలిసిందే. “బాహుబలి”తో తన సత్తా ఏంటో ప్రపంచానికి తెలియజేసిన జక్కన్న.. ఈ సినిమా కూడా అదే స్థాయిలో విజయం సాధించాలని ప్రమోషన్ కార్యక్రమాలు ఎవరు ఊహించని రీతిలో చేస్తున్నాడు. బాహుబలి తరహాలోనే విజయం సాధించాలని RRR కి రాజమౌళి బాగా టైం తీసుకున్నట్లు వార్తలు రావడం జరిగాయి. వాస్తవానికి ఈ సినిమా 2020 జూన్ మాసం లో విడుదల చేయాల్సి ఉండగా.. వాయిదా పడటం జరిగింది. కరోనా కారణంగా… సినిమా చాలా సార్లు విడుదల వాయిదా పడుతూ వచ్చింది. ఇదిలా ఉంటే ప్రస్తుతం దేశంలో కేసులు తగ్గిపోవటంతో పాటు వైరస్ వ్యాప్తి కూడా ఎక్కడా లేకపోవడంతో ప్రభుత్వాలు యధావిధిగా బయట కార్యకలాపాలకు అనుమతులు ఇవ్వడంతో….RRR మార్చి 25 విడుదల చేస్తున్నారు.
ఈ సినిమా తర్వాత రాజమౌళి మహేష్ బాబు తో సినిమా చేయడానికి రెడీ అవటం తెలిసిందే. ఆ సినిమాకి సంబంధించిన స్క్రిప్ట్ వర్క్ లు డిఫరెంట్ లైన్స్ పరంగా జరుగుతున్నట్లు.. వార్తలు వస్తున్నాయి. ఇదిలా ఉంటే మరో పక్క మహేష్ బాబు “సర్కారు వారి పాట” చేస్తూనే వెంటనే మార్చి నెలాఖరు నుండి త్రివిక్రమ్ సినిమా రెగ్యులర్ షూటింగ్ లో జాయిన్ కానున్నట్లు వార్తలు వినిపిస్తున్నాయి.
దీంతో మహేష్ రాజమౌళి సినిమాకి గ్యాప్ వచ్చే పరిస్థితి ఉండటంతో చిన్న గ్యాప్ లో బాలకృష్ణ తో సినిమా చేయాలని రాజమౌళి అనుకుంటున్నట్లు సరికొత్త వార్త మొన్న వినపడగా.. ఇప్పుడు మరో వార్త ఇండస్ట్రీలో వైరల్ అవుతుంది. అదేమిటంటే మహేష్ ప్రాజెక్టు లోనే బాలకృష్ణకి ఓ పవర్ఫుల్ పాత్ర దాదాపు 40 నిమిషాల పాటు ఉండే క్యారెక్టర్ జక్కన్న ప్లాన్ చేసినట్లు టాక్. మహేష్ బాబు అంటే తనకు ఇష్టమని బాలకృష్ణ ఆహా “ఆన్ స్టపపాబుల్” షోలో చెప్పడంతో.. మహేష్ బాలకృష్ణ తో రాజమౌళి మల్టీస్టారర్ ప్లాన్ చేస్తున్నట్లు సరికొత్త వార్త ఇప్పుడు సోషల్ మీడియాలో వినిపిస్తోంది.