Trivikram: డైరెక్టర్ త్రివిక్రమ్ కి జరిమానా విధించిన పోలీసులు..!!

Trivikram: టాలీవుడ్ ఇండస్ట్రీలో టాప్ మోస్ట్ డైరెక్టర్ లలో ఒకరు త్రివిక్రమ్. తన పంచ్ డైలాగులతో.. మాస్ హీరో అయినా గాని కుటుంబ ప్రేక్షకులకు నచ్చే రీతిలో చూపించడంలో త్రివిక్రమ్ నీ మించిన డైరెక్టర్ ఇండస్ట్రీలో లేరని చెప్పవచ్చు. సినిమా నీ ఆహ్లాదకరంగా ప్రేక్షకులకు చూపించడంలో.. ఎంటర్టైన్మెంట్ అందించడంలో త్రివిక్రమ్ స్పెషలిస్ట్ డైరెక్టర్ అని చెప్పవచ్చు. కరోనా రాకముందు అలా వైకుంఠపురం లో సినిమాతో ఇండస్ట్రీ హిట్ అందుకున్న గురూజీ కరోనా తర్వాత “బీమ్లా నాయక్” బ్లాక్ బస్టర్ హిట్ అవటం లో కీలక పాత్ర పోషించారు. నెక్స్ట్ మహేష్ బాబు తో సినిమా చేయడానికి త్రివిక్రమ్ రెడీ అవుతున్నారు.

ఇదిలా ఉంటే తాజాగా త్రివిక్రమ్ కి హైదరాబాద్ ట్రాఫిక్ పోలీసులు జరిమానా విధించడం జరిగింది. మేటర్ లోకి వెళితే ఇటీవల హైదరాబాద్ ట్రాఫిక్ పోలీసులు నిబంధనలు కఠినతరం చేయడం తెలిసిందే. ఈ నేపథ్యంలో హైదరాబాదు నగరంలో పలు ప్రాంతాలలో ట్రాఫిక్ పోలీసులు నిబంధనలకు విరుద్ధంగా బ్లాక్ అర్థాలు కలిగిన కార్లను గుర్తించి వెంటనే వాటిని తొలగించి జరిమానా విధిస్తూ ఉన్నారు.

ఇందులో భాగంగా తాజాగా పోలీసులు చేపట్టిన తనిఖీలలో ప్రముఖ డైరెక్టర్ త్రివిక్రమ్ గారు కూడా దొరకటంతో… వెంటనే పోలీసులు కారు అద్దాలు బ్లాక్ ఫిలిం తొలగించి… అక్కడే జరిమానా విధించారు. ఈ రీతిగా టాలీవుడ్ ఇండస్ట్రీలో చాలా మంది సెలబ్రిటీల కారులకు హైదరాబాద్ ట్రాఫిక్ పోలీసులు జరిమానా విధించడం జరిగింది. ముందుగా ఎన్టీఆర్, బన్నీ, కళ్యాణ్ రామ్, మంచు మనోజ్… తాజాగా త్రివిక్రమ్ కార్లకు పోలీసులు జరిమానా విధించారు.