Ghani: మెగా ప్రిన్స్ వరుణ్ తేజ్, సాయి మంజ్రేకర్ జంట‌గా న‌టించిన తాజా చిత్రం `గ‌ని`. అల్లు అరవింద్ స‌మ‌ర్ప‌ణ‌లో రెన‌సాన్స్ ఫిలింస్‌, అల్లు బాబీ కంపెనీ బ్యానర్ల పై సిద్ధు ముద్ద, అల్లు బాబీ క‌లిసి నిర్మించిన ఈ చిత్రానికి కిర‌ణ్ కొర్ర‌పాటి ద‌ర్శ‌క‌త్వం వ‌హించారు. జగపతి బాబు, ఉపేంద్ర, సునీల్ శెట్టి, నవీన్ చంద్ర ఇందులో కీల‌క పాత్ర‌ల‌ను పోషించ‌గా.. ఎస్‌.ఎస్‌.త‌మ‌న్ సంగీత ద‌ర్శ‌కుడిగా వ్య‌వ‌హ‌రించాడు.
ఎన్నో సార్లు వాయిదా ప‌డిన ఈ చిత్రం.. ఎట్ట‌కేల‌కు నిన్న విడుద‌లైంది. గద్దలకొండ గణేష్ వంటి హిట్ మూవీ త‌ర్వాత వరుణ్ తేజ్ నుంచి వ‌చ్చిన చిత్ర‌మిది. అయితే భారీ అంచ‌నాల న‌డుమ రిలీజ్ అయిన ఈ మూవీ బిలో యావ‌రేజ్ టాక్ సొంతం చేసుకుంది. సినీ ప్రియుల‌నే కాదు.. మెగా ఫ్యాన్స్‌ను సైతం ఈ చిత్రం తీవ్రంగా నిరాశ ప‌రిచింది.
టాక్ అంతంత మాత్రంగా ఉండ‌టంతో.. ఈ మూవీ ఫ‌స్ట్ డే కలెక్షన్స్ కూడా అలానే ఉన్నాయి. చాలా ఏరియాల్లో ఈ మూవీ ఓపెనింగ్స్ నిరాశ పరిచే విధంగానే వ‌చ్చాయి. తొలి రోజు తెలుగు రాష్ట్రాల్లో ఈ చిత్రం రూ. 2.22 కోట్ల షేర్‌.. రూ. 4 కోట్ల గ్రాస్ మాత్ర‌మే వ‌సూల్ చేయ‌గ‌లిగింది. ఏరియాల వారీగా `గ‌ని` ఫ‌స్ట్ డే టోట‌ల్ క‌లెక్ష‌న్స్‌ను ఓ సారి గ‌మ‌నిస్తే..
నైజాం: రూ. 75 ల‌క్ష‌లు
సీడెడ్: రూ. 30 ల‌క్ష‌లు
ఉత్త‌రాంధ్ర: రూ. 40 ల‌క్ష‌లు
తూర్పు: రూ. 19 ల‌క్ష‌లు
పశ్చిమ: రూ. 14 ల‌క్ష‌లు
గుంటూరు: రూ. 17 ల‌క్ష‌లు
కృష్ణ: రూ. 16 ల‌క్ష‌లు
నెల్లూరు: రూ. 11 ల‌క్ష‌లు
————————–
ఏపీ+తెలుంగాణ మొత్త= రూ 2.22కోట్లు(రూ. 4.00కోట్లు~ గ్రాస్)
————————–
కార్ణాట‌క+రెస్ట్ ఆఫ్ ఇండియా: రూ. 0.20 కోట్లు
ఓవ‌ర్సీస్‌: రూ. 0.30 కోట్లు
—————————–
వ‌ర‌ల్డ్ వైడ్ టోట‌ల్ క‌లెక్ష‌న్‌: రూ. 2.72కోట్లు(రూ.5.00కోట్లు~గ్రాస్)
—————————–
కాగా, ప్ర‌పంచ‌వ్యాప్తంగా రూ. 25.30 కోట్ల రేంజ్ లో ప్రీ రిలీజ్ బిజినెస్ చేసిన ఈ మూవీ.. రూ. 26.30 కోట్ల భారీ టార్గెట్‌తో బ‌రిలోకి దిగింది. కానీ, ఫ‌స్ట్ డే కలెక్షన్స్ ను చూస్తుంటే.. వరుణ్ బ్రేక్ ఈవెన్ టార్గెట్ ను అందుకోవ‌డం క‌ష్ట‌మే అంటున్నారు. పైగా థియేట‌ర్స్‌లో ఆర్ఆర్ఆర్ ఇంకా ర‌న్ అవుతుండ‌టం, మరో నాలుగు రోజుల్లో బీస్ట్‌, కేజీఎఫ్ 2 చిత్రాల రిలీజ్‌లు ఉండ‌టం వంటి అంశాలు గ‌ని క‌లెక్ష‌న్స్‌ను మ‌రింత ప్ర‌భావితం చేయ‌నున్నాయి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!