Ma Ma Mahesha Promo: టాలీవుడ్ ప్రిన్స్ మహేష్ బాబు తాజా చిత్రం `సర్కారు వారి పాట`. మైత్రి మూవీ మేకర్స్, జీఎమ్‌బి ఎంటర్‌టైన్‌మెంట్, 14 రీల్స్ ప్లస్ బ్యాన‌ర్ల‌పై నవీన్ యెర్నేని, వై. రవిశంకర్, రామ్ ఆచంట, గోపి ఆచంట సంయుక్తంగా నిర్మించిన ఈ చిత్రానికి ప‌రుశురామ్ ద‌ర్శ‌క‌త్వం వ‌హించారు. ఇందులో కీర్తి సురేష్ హీరోయిన్‌గా న‌టించింది.
అలాగే విల‌క్ష‌ణ నటుడు సముద్రఖని విల‌న్‌గా చేయ‌గా.. త‌మ‌న్ స్వ‌రాలు స‌మ‌కూర్చారు. బ్యాంకింగ్ రంగంలో జరుగుతున్న భారీ కుంభకోణం నేప‌థ్యంలో రూపుదిద్దుకున్న ఈ చిత్రం మే 12న అట్ట‌హాసంగా విడుద‌ల కానుంది. ఈ నేప‌థ్యంలోనే మేకర్స్ విసృతంగా ప్ర‌మోష‌న్స్ నిర్వ‌హిస్తున్నారు. మ‌రోవైపు వ‌రుస అప్డేట్స్‌ను బ‌య‌ట‌కు వ‌దులుతూ సినిమాపై బ‌ప్ క్రియేట్ చేస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
ఇక ఈ చిత్రంలో మహేష్ బాబు పేరుతో `మా.. మా.. మహేషా` అనే మాస్ సాంగ్ ఉంది. ఈ సాంగ్ ని శనివారం రిలీజ్ చేయబోతున్నట్లు మేకర్స్ నిన్న అధికారికంగా ప్ర‌క‌టించారు. అయితే ఆ సాంగ్ ప్రోమోను తాజాగా మేకర్స్ బ‌య‌ట‌కు వ‌దిలారు. ఈ ప్రోమో అదిరిపోయింద‌ని చెప్పాలి. అనంత్ శ్రీరామ్ రాసిన ఈ పాట‌ను జోనితా గాంధీ, శ్రీకృష్ణ ఆల‌పించారు. ఎస్ థ‌మ‌న్ మ్యూజిక్ కంపోజ్ చేశారు.
ఈ సాంగ్‌లో మహేష్ బాబు, కీర్తి సురేష్‌ల చేత శేఖ‌ర్ మాస్ట‌ర్ ఊరమాస్ స్టెప్పులు వేయించాడు. దీంతో ఇప్పుడీ ప్రోమో యూట్యూబ్‌లో ట్రెండ్ అవుతోంది. ఇక రేపు ఫుల్ సాంగ్ బ‌య‌ట‌కు రానుంది. కాగా, ఈ సినిమా ప్రీ రిలీజ్ ఈవెంట్‌ను మే 7వ తేదీన హైదరాబాద్ పోలీస్ గ్రౌండ్స్ వేదికగా జ‌ర‌గ‌బోతోంది.