Ma Ma Mahesha: ప‌ర‌శురామ్ ద‌ర్శ‌క‌త్వంలో సూప‌ర్ స్టార్ మహేశ్ బాబు హీరోగా తెర‌కెక్కిన తాజా చిత్రం `సర్కారు వారి పాట`. ఇందులో కీర్తి సురేష్ హీరోయిన్‌గా న‌టించ‌గా.. సముద్రఖని విల‌న్‌గా చేశారు. బ్యాంకింగ్ రంగంలో జరుగుతున్న భారీ కుంభకోణం నేప‌థ్యంలో రూపుదిద్దుకున్న ఈ కమర్షియల్ ఎంటర్టైనర్ మే 12న అట్ట‌హాసంగా విడుద‌ల కానుంది.
ఇప్ప‌టికే సెన్సార్ కార్య‌క్ర‌మాల‌ను పూర్తి చేసుకున్న ఈ మూవీ యు/ఎ స‌ర్టిఫికేట్‌ను పొందింది. మ‌రోవైపు విడుద‌ల తేదీ ద‌గ్గ‌ర ప‌డుతుండ‌టంతో మేకర్స్ జోరుగా ప్ర‌చార కార్య‌క్ర‌మాల‌ను నిర్వహిస్తున్నారు. ఇందులో భాగంగా ఈ రోజు సాయంత్రం 6 గంటలకు యూసుఫ్‌ గూడ 1వ టీఎస్‌ఎస్‌పీ బెటాలియన్ గ్రౌండ్‌లో సర్కారు వారి పాట ప్రీ రిలీజ్ వేడుకను నిర్వహిస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
అలాగే తాజాగా ఈ సినిమాలో ఊరమాస్ సాంగ్ అయిన `మా.. మా.. మహేషా` ను కూడా బ‌య‌ట‌కు వ‌దిలారు. విడుద‌లైన కాసేప‌టికే యూట్యూబ్‌లోకి ట్రెండింగ్‌లోకి ఈ సాంగ్ అదుర్స్ అనాల్సిందే. అనంత్ శ్రీరామ్ రాసిన ఈ పాట‌ను జోనితా గాంధీ, శ్రీకృష్ణ ఆల‌పించారు. ఎస్ థ‌మ‌న్ మ్యూజిక్ కంపోజ్ చేశారు.
ఈ సాంగ్‌లో మహేశ్, కీర్తి సురేష్‌లో ఎన‌ర్జిటిక్ ప‌ర్ఫామెన్స్ విశేషంగా ఆక‌ట్టుకుంది. ఇక ఇప్ప‌టి వ‌ర‌కు ఈ సినిమా నుంచి బ‌య‌ట‌కు వ‌చ్చిన అన్నీ సాంగ్స్ న‌యా రికార్డ్స్ క్రియేట్ చేశారు. మ‌రి ఇప్పుడు `మా.. మా.. మహేషా` ఎటువంటి రికార్డుల‌ను సెట్ చేస్తుందో చూడాల్సి ఉంది. కాగా, మైత్రి మూవీ మేకర్స్, జీఎమ్‌బి ఎంటర్‌టైన్‌మెంట్, 14 రీల్స్ ప్లస్ బ్యాన‌ర్ల‌పై నవీన్ యెర్నేని, వై. రవిశంకర్, రామ్ ఆచంట, గోపి ఆచంట సంయుక్తంగా నిర్మించిన ఈ చిత్రానికి త‌మ‌న్ సంగీతం ద‌ర్శ‌కుడిగా వ్య‌వ‌హ‌రించాడు.