Top Tollywood Heroes: ప్రముఖ ఆన్‌లైన్ రీసెర్చ్ ప్రోగ్రామ్‌ ఓరామ్యాక్స్ మీడియా ఎన్నో విషయాలపై సర్వేలు నిర్వహిస్తూ ఉంటుంది. మే నెలలో టాలీవుడ్ ఇండస్ట్రీలో మోస్ట్ పాపులర్ హీరోలు ఎవరనే అంశంపై కూడా ఒక సర్వే జరిపింది. ఈ సర్వేలో ఎవరు టాప్ ప్లేస్ లో నిలిచారు? టాప్ టెన్ ప్లేస్‌లో చోటు దక్కించుకున్న హీరోలు ఎవరు? అనేది ఇప్పుడు చూద్దాం.
తెలుగులో మోస్ట్ పాపులర్ మేల్ స్టార్స్ ఎవరనే సర్వేలో ఎప్పటిలాగానే యంగ్ రెబల్ స్టార్ ప్రభాస్ నిలిచాడు. నిజానికి ప్రభాస్ ఇటీవల తీస్తున్న సినిమాలు అంతగా ప్రేక్షకులను మెప్పించడం లేదు అయినా కూడా అతని పాపులారిటీ అనువంత అయినా తగ్గలేదు. ఇక మోస్ట్ హ్యాండ్సమ్ హీరో మహేష్ బాబు సెకండ్ ప్లేస్ సంపాదించుకున్నాడు. మహేష్ ఇటీవల తీసిన అన్ని సినిమాలు హిట్స్ అయ్యాయి. కమర్షియల్ ఎలిమెంట్స్‌కి ఎక్కడా కొదవ లేకుండా మోస్ట్ ఎంటర్టైనింగ్ సినిమాలు అందించడంలో మహేష్ తర్వాత ఎవరైనా అనే పేరు కూడా ఇప్పుడు వినబడుతోంది.
టాప్ 10లో చోటు దక్కించుకుంది వీరే..
యంగ్ టైగర్ ఎన్టీఆర్ మంచి నటుడు అనడంలో సందేహం లేదు. ఇటీవలే ఆర్ఆర్ఆర్ సినిమాతో పాన్ ఇండియా స్టార్‌గా కూడా అవతరించాడు. గతంలోనే టాప్ టెన్‌లో నిలిచిన ఈ హీరో ఈసారి థర్డ్ ప్లేసులో నిలిచాడు. ఆ తర్వాత స్థానాన్ని స్టైలిష్ స్టార్ అల్లు అర్జున్ దక్కించుకున్నాడు. అయితే దీని అంతటికీ పుష్ప సినిమానే కారణమని చెప్పుకోవచ్చు. పుష్ప ఏ రేంజ్ లో అతడి పాపులారిటీని పెంచిందో ప్రత్యేకంగా చెప్పనవసరం లేదు. రామ్ చరణ్ తేజ్ 5వ స్థానం, పవన్ కళ్యాణ్ ఆరో స్థానం, నాని 7వ స్థానం, విజయ్ దేవరకొండ 8వ స్థానం, చిరంజీవి 9వ మాస్ మహారాజా రవితేజ 10వ స్థానం దక్కించుకున్నారు.
