Bear caught: శ్రీకాకుళం జిల్లా వజ్రపుకొత్తూరు మండలం కిడిసింగి గ్రామంలో పలువురిపై దాడి చేసిన ఎలుగుబంటి ఎట్టకేలకు అటవీశాఖ సిబ్బందికి చిక్కింది. ఆ ఎలుగుబంటిని అధికారులు ప్రాణాలతో పట్టుకున్నారు. రెస్క్యూ టీమ్ మత్తు ఇంజక్షన్ దాన్ని సజీవంగా పట్టుకుంది. ఆ ఎలుగుబంటిని యానిమల్ రెస్క్యూ సెంటర్ కి తరలించారు. ఎలుగుబంటి దాడితో గ్రామస్తులు తీవ్ర ఆందోళన చెందుతున్న సంగతి తెలిసిందే.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
వరుసగా ఆది, సోమవారాల్లో ఎలుగుబంటి గ్రామస్తులపై దాడి చేయడంతో పది మంది గాయపడ్డారు. వారిలో ఒకరు మృతి చెందగా, మిలిగిన వారు శ్రీకాకుళంలోని మెడికవర్ ఆసుపత్రిలో చికిత్స పొందుతున్నారు. క్షతగాత్రుల్లో నలుగురు పరిస్థితి విషమంగా ఉంది. బాధితులను మంత్రి సిదిరి అప్పలరాజు పరామర్శించారు. బాధితులందరికీ మెరుగైన వైద్యం అందించాలని మంత్రి ఆదేశించారు. నిన్న జరిగిన ఘటనతో అటవీశాఖ అధికారులు స్పందించి ఎలుగుబంటి కోసం గాలింపు చర్యలు చేపట్టారు. ఒ ఇంటి ఆవరణలో ఎలుగుబంటి ఉన్నట్లు గుర్తించిన రెస్క్యూ టీమ్ చాకచక్యంగా దాన్ని పట్టుకుంది. అటవీశాఖ అధికారులు ఎలుగుబంటిని పట్టుకోవడంతో గ్రామస్తులు ఊపిరిపీల్చుకున్నారు.
