మహేష్ ఫ్యాన్స్ బాటలోనే పవన్ మరియు ప్రభాస్ ఫ్యాన్స్..??

సినిమా రంగంలో తమ అభిమాన హీరో పుట్టినరోజు వచ్చిందంటే సదరు హీరో అభిమానులు పండగల చేయడం తెలిసిందే. దక్షిణాది సినిమా రంగంలో విపరీతంగా సినిమా హీరోలను అభిమానులు ఆదరిస్తుంటారు. ముఖ్యంగా తమిళ ఇండస్ట్రీలో అయితే ఏకంగా గుళ్ళు కూడా కట్టేస్తారు. ఇక తెలుగులో కూడా అంత కాకపోయినా గానీ దానధర్మాలు, భోజనాలు… పెద్ద పెద్ద ఫ్లెక్సీలు కట్టడం వంటివి జరుగుతుంటాయి. కానీ గత రెండు సంవత్సరాలు కరోనా ఉదృత ఎక్కువ ఉండటంతో ఎటువంటి సెలబ్రేషన్స్ జరగలేదు.

ఇంటర్నెట్ లో వైరల్ అవుతున్న మహేష్ బాబు గడ్డం న్యూ లుక్..!!

కానీ ప్రస్తుతం దేశంలో కరోనా తీవ్రత తగ్గడంతో చాలా వరకు బయట పరిస్థితిలు అని మారిపోయాయి. ఇలాంటి తరుణంలో ఆగస్టు 9వ తారీకు మహేష్ పుట్టినరోజు రావడంతో మహేష్ ఫ్యాన్స్.. మహేష్ కెరీర్లోనే బిగ్గెస్ట్ బ్లాక్ బస్టర్ మూవీ “పోకిరి” ప్రజెంట్ 4K టెక్నాలజీతో స్పెషల్ షో వేయించుకుంటున్నారు. “పోకిరి” నిర్మాతలను ఒప్పించి ఆగస్టు 9వ తారీకు మహేష్ పుట్టినరోజు సందర్భంగా ఈషో పలు నగరాలలో ప్రదర్శిస్తున్నారు. ఇప్పుడు ఇదే బాటలో పవన్ మరియు ప్రభాస్ ఫ్యాన్స్ కూడా రెడీ అయ్యారు.

వచ్చే నెల రెండవ తారీకు పవన్ పుట్టినరోజు నేపథ్యంలో పవన్ కళ్యాణ్ కెరియర్ లో బిగ్గెస్ట్ హిట్ సినిమా “జల్సా” లేటెస్ట్ టెక్నాలజీతో రూపుదిద్ది విడుదల చేయాలని నిర్మాతలను ఫ్యాన్స్ డిమాండ్ చేస్తున్నారు. ఇక అక్టోబర్ నెలలో ప్రభాస్ పుట్టిన రోజు నేపథ్యంలో ప్రభాస్ కెరియర్ లో మొట్టమొదటి బ్లాక్ బస్టర్ చిత్రం “వర్షం” 4K టెక్నాలజీతో విడుదల చేయాలని ప్రభాస్ పుట్టినరోజు నాడు స్పెషల్ షో వేయాలని.. ఫ్యాన్స్ డిమాండ్ చేస్తున్నారట. ఏది ఏమైనా గతంలో ఎన్నడూ లేని రీతిలో మహేష్ అభిమానులు.. విడుదల అయిపోయిన సినిమాని మళ్లీ కొత్త టెక్నాలజీతో విడుదల చేసే రీతిలో సరికొత్త ట్రెండ్ సృష్టించటం ఇండస్ట్రీలో సంచలనంగా మారింది.