అఖండ సెంటిమెంట్ ఫాలో అవుతున్న బాలకృష్ణ.. ఈసారి కూడా సూపర్ హిట్?

బాలకృష్ణ అఖండ సినిమాతో చాలా పెద్ద హిట్ కొట్టాడు. బోయపాటి శ్రీను దర్శకత్వంలో వచ్చిన అఖండ సినిమాకి తమన్ సంగీతం అందించాడు. ఈ సినిమాలోని పాటలు మ్యూజిక్ లవర్స్ నే కాకుండా సినిమా లవర్స్ ను కూడా ఒక ఊపు ఊపేసాయి. డిసెంబర్ 2న విడుదలైన అఖండ సినిమా ప్రేక్షకులు ఎంతగానో అలరించింది. ఈ సినిమా అంత బ్లాక్ బస్టర్ కావడానికి బాలకృష్ణ నటన, తమన్ మ్యూజిక్, బోయపాటి కృషి వున్నాయి.

అఖండ సెంటిమెంట్ కలిసొస్తుందా?

మంచి హిట్ కొట్టిన బాలయ్య తన నెక్స్ట్ ఈ సినిమాతో కూడా హిట్ కొడతాడా? అనేది తెలియాల్సి ఉంది. ప్రస్తుతానికి బాలయ్య తన నెక్స్ట్ NBK 107 మూవీని డిసెంబర్ మొదటి వారంలో విడుదల చేయాలనే ఆలోచనలో ఉన్నారు. NBK 107 మూవీ డైరెక్టర్ గోపీచంద్ మలినేని దసరా రోజు ఈ మూవీని విడుదల చేయాలనుకున్నారు. కానీ గత 20 రోజులుగా షూటింగ్ ఆగిపోవడంతో, దసరాకి ఇంకా నెల మాత్రమే సమయం ఉండటంతో ఆ ప్లాన్ చేంజ్ చేసుకున్నారు. ఎలాగో దసరా ఈ సందర్భంగా తీసుకురాలేక పోతున్నామని మూవీ యూనిట్ బాధ పడిందట అయితే ఈ నేపథ్యంలోనే బాలకృష్ణ అఖండ సినిమాలాగా దీనిని కూడా డిసెంబర్ నెలలో విడుదల చేయాలని సూచించారట. ఆ సెంటిమెంట్ ని ఫాలో అయితే విజయం తధ్యమని ఆయన విశ్వాసం వ్యక్తం చేశారట.

సినిమా షూటింగ్ జరిగేది అక్కడే

ప్రస్తుతం నెక్స్ట్ షెడ్యూల్ కోసం NBK 107 టీమ్ ఈ నెల 24న టర్కీ వెళ్లే ప్లాన్ లో వున్నారు. అసలు అమెరికా వెళ్లాల్సిన NBK 107 టీమ్ వీసా ప్రాబ్లెమ్ ఉండడంతో టర్కీలో ఆ షెడ్యూల్ ని కంప్లీట్ చేయబోతున్నారు. తర్వాత మిగతా సీన్స్ మొత్తం హైదరాబాద్‌లోనే పూర్తి చేసేలా కనబడుతుంది. ఈ మూడు నెలల్లో పూర్తిగా షూటింగ్, పోస్ట్ ప్రొడక్షన్ కంప్లీట్ చేసి డిసెంబర్ లో ఈ సినిమాను థియేటర్లలోకి విడుదల చేసి అఖండ లాగా మంచి హిట్ అందుకోవాలని NBK107 టీమ్ కోరుకుంటున్నారు.