Rajamouli: దిగ్గజ దర్శకుడు రాజమౌళి తెరకెక్కించిన సినిమాలతో భారతదేశ చలనచిత్ర రంగం యొక్క స్థాయి ప్రపంచవ్యాప్తంగా మారుమొగుతుంది. బాహుబలి 2, RRR సినిమాలతో రాజమౌళి తన టేకింగ్ మరియు డైరెక్షన్ దమ్ము ఏంటో ఇండియన్ ఫిలిం ఇండస్ట్రీకి మాత్రమే కాదు ప్రపంచ సినీ రంగానికి తెలియజేసేలా చేశాడు. ఈ రెండు సినిమాలు ఏకంగా ₹1000 కోట్లకు పైగా కలెక్షన్ సాధించడం జరిగింది. “RRR” అయితే నెట్ ఫ్లిక్స్ లో విడుదలైన తర్వాత… హాలీవుడ్ ప్రముఖుల నుండి భారీ ఎత్తున ప్రశంసలు లభించాయి.
ఇద్దరు హీరోల పెర్ఫార్మన్స్ తో పాటు రాజమౌళి దర్శకత్వ ప్రతిభకి చాలామంది ఫిదా అయ్యారు. ఇదిలా ఉంటే ఇప్పుడు రాజమౌళి తెరకెక్కించిన సినిమాలు హాలీవుడ్ ప్రముఖ ఫిలిం ఫెస్టివల్ లో ప్రదర్శిస్తున్నారు. పూర్తి విషయంలోకి వెళ్తే డైరెక్టర్ రాజమౌళి అరుదైన ఘనత దక్కించుకున్నారు. హాలీవుడ్ ఫిలిం ఫెస్టివల్స్ లో ప్రముఖమైన బియాండ్ ఫెస్ట్ లో RRR, ఈగ, బాహుబలి 1, 2, మగధీర, మర్యాద రామన్న సినిమాలను ప్రత్యేకంగా ప్రదర్శిస్తున్నట్లు నిర్వాహకులు తెలియజేశారు.
ఈ ఫిలిం ఫెస్టివల్ ఈనెల 27వ తారీకు నుండి అక్టోబర్ 11 వ తారీకు వరకు జరగనుంది. రాజమౌళి చిత్రాలు టాలీవుడ్ నుండి హాలీవుడ్ స్థాయి వరకు రావటంతో అందుకు ప్రదర్శిస్తున్నందుకు ఎంతో సంతోషంగా ఉందని ఫిలిం ఫెస్టివల్ ఆర్గనైజేషన్ కి చెందిన వాళ్లు తెలియజేశారు. ఈ ఒక్క ఫిలిం ఫెస్టివల్ లో మాత్రమే కదా అంతకుముందు ఓ ప్రముఖ అంతర్జాతీయ ఫిలిం ఫెస్టివల్ కి కూడా రాజమౌళికి ప్రత్యేకమైన ఆహ్వానం లభించింది. సో దీని బట్టి చుస్తే భారతీయ చలనచిత్ర రంగంలో రాజమౌళి ఒక చరిత్ర సృష్టిస్తున్నట్లు తెలుస్తోంది. రాజమౌళి తర్వాత రాజమౌళి ముందు అన్న తరహాలో ఇండియన్ ఫిలిం ఇండస్ట్రీ గురించి చెప్పుకునే రోజులు రానున్న రోజుల్లో ఉండనున్నట్లు అర్థమవుతుంది.