Meet Cute: హీరో గానే కాదు నిర్మాతగాను కొత్త దర్శకులకు ఎక్కువగా అవకాశం ఇస్తూ ఉంటారని పేరు ఉంది నానికి.. తన సోదరి దీప్తిని దర్శకురాలుగా పరిచయం చేస్తూ ప్రశాంత్ త్రిపర్నేని తో కలిసి ఆయన మీట్ క్యూట్ వెబ్ సిరీస్ ను నిర్మించారు.. ఈ వెబ్ సిరీస్ లో ఎక్కువ మంది ఆర్టిస్టులు ఉండడం, నాని సోదరి డైరెక్షన్ చేశారని తెలియడంతో ఈ సిరీస్ పై అభిమానుల్లో ఆసక్తి నెలకొంది.. సోనీ లీవ్ లో ప్రసారమవుతున్న ఈ వెబ్ సిరీస్ ఎలా ఉంది.!? కొత్త దర్శకురాలు నాని సోదరి దీప్తి ప్రేక్షకులను మెప్పించారా.!? ఈ వెబ్ సిరీస్ నిజంగా క్యూట్ గా ఉందా.!?
కథ:
ఐదు విభిన్న కథల సమాహారమే మీట్ క్యూట్.. ఒక కథ తో మరొక కథ కి సంబంధం ఉండదు. మొదటి కథ మీట్ ది బాయ్.. ఎంబీఏ చదవాలనుకున్న అమ్మాయి తల్లి బలవంతం మీద పెళ్లి చూపులకు వెళ్లడం. ఓ డీల్ కుదుర్చుకోవడం ప్రదానాంశం. రెండో కథ ఓల్డ్ ఇస్ గోల్డ్.. లో ఓ అమ్మాయికి పాస్ పోర్ట్ ఆఫీస్ లో ఓ ముసలాయనదో పరిచయం ఏర్పడుతుంది. ఆయనతో మాటలు కలిసాక జీవితం యొక్క పరమార్థం ఏంటో అర్థం అవుతుంది. ఇక మూడవ కథ విషయానికి వస్తే ఇన్ లా లవ్.. ఒక తల్లి తన కొడుకు ఓ అమ్మాయిని ఓ డాగ్ కేర్ హౌస్ లో దించడం చూస్తుంది. అక్కడికి వెళ్లి అమ్మాయితో పరిచయం చేసుకొని తన విషయాలు తెలుసుకున్న తర్వాత చివరికి ఆ అమ్మాయిని తన కోడలిగా ఆహ్వానిస్తుంది. స్టార్ స్ట్రక్ నాలుగవ కథ. అవార్డు ఫంక్షన్ కి వెళ్తున్న అందాల తార షాలిని కార్ జోరున వాన లో ఆగిపోతుంది. తనకి ఆమన్ లిఫ్ట్ ఇస్తాడు. షాలిని హీరోయిన్ అని తెలియని అతను తన మనసులో ఉన్న భావాలను ఆమెతో పంచుకుంటాడు. ఇక ఫైనల్ గా ఐదవ కదా ఎక్స్ బాయ్ ఫ్రెండ్ ఓ ఆత్మ వచ్చి తన ఎక్స్ బాయ్ ఫ్రెండ్ భార్యతో మాట కలుపుతుంది అతని గొప్పదనం చెప్పి మాయమవడంతో ఈ వెబ్ సిరీస్ ముగుస్తుంది..
నటీనటులు నటన..
ఈ వెబ్ సిరీస్ లో ఆదాశర్మ, రూహాని శర్మ, వర్షా బొల్లమ్మ, సత్యరాజ్, రోహిణి, ఆకాంక్ష సింగ్, అశ్విని కుమార్ లక్ష్మీ కాంతన్, శివ కందుకూరి రాజ్ చెంబోలు, సునయన తదితరులు నటించారు. ఇందులో వర్షా బొల్లమ్మ స్వాతి పాత్రలో నటించింది. ఇది వెబ్ సిరీస్ లో నటించిన వారి వారి పాత్రలకు ప్రాణం పోశారు ఒక్కో వెబ్ సిరీస్ లో ఒక్కొక్కరుగా కనిపిస్తూ ఉంటారు. ఈ సిరీస్ లోని కథలు పాతగానే అనిపిస్తాయి కానీ ప్రతి కథలోనూ వైవిధ్యం ప్రదర్శించే ప్రయత్నం చేశారు ఇక సిచువేషన్ కి అనుగుణంగా ఈ వెబ్ సిరీస్ లో మూడు పాటలు రాశారు సందర్భానుసారంగా వచ్చిన పాటలు ప్రతి ఒక్కరిని ఆకర్షిస్తాయి ఈ వెబ్ సిరీస్ లో దీప్తిగంట ప్రతిభను కచ్చితంగా మెచ్చుకోవాలి. మొదటిసారి దర్శకత్వం చేసినా కానీ అద్భుతమైన రీతిని కనబరిచారు. ఆమె ప్రయత్నానికి తగ్గట్టుగానే నిర్మాతలు కూడా ఖర్చు చేశారు. సరదాగా చూడడానికి ఈ మీట్ క్యూట్ లకు వెళితే కొన్ని అంశాలైన మన జీవితాలలోని కనిపిస్తాయి. వసంత్ కుమార్ సినిమాటోగ్రఫీ చక్కగా చేశారు. విజయ్ బుల్గానిన్ సంగీతం అందరినీ ఆకట్టుకుంది. మొత్తానికి ఈ వెబ్ సిరీస్ అందరినీ అలరిస్తుంది..
ప్లస్ పాయింట్స్;
కథ, కామెడీ, డైలాగ్స్, సమయానికి అనుగుణంగా వచ్చే పాటలు.
మైనస్ పాయింట్స్:
రొటీన్ సీన్స్, సాగదీత.
చివరిగా.. ఈ వెబ్ సిరీస్ కొన్ని ఎపిసోడ్స్ మాత్రమే క్యూట్ గా అనిపించాయి అన్నీ కాదు..