NBK 109: నేడు మహాశివరాత్రి సందర్భంగా నందమూరి బాలకృష్ణ కొత్త సినిమా “NBK 109” గ్లింప్స్ విడుదల చేయడం జరిగింది. డైరెక్టర్ బాబీ దర్శకత్వంలో తెరకెక్కుతున్న ఈ సినిమాని.. శ్రీకర స్టూడియో సమర్పణలో సితార ఎంటర్టైన్మెంట్స్, ఫార్చ్యూన్ ఫోర్ బ్యానర్ పై నాగ వంశీ మరియు సౌజన్య కలిసి నిర్మిస్తున్నారు. “NBK 109” అనే వర్కింగ్ టైటిల్ పేరిట విడుదలైన గ్లింప్స్ వీడియోలో బాలయ్య ఎంట్రీ అదరగొట్టింది. ఈ క్రమంలో విలన్ ఏంట్రా వార్ డిక్లేర్ చేస్తున్నావా అంటే బాలయ్య.. సింహం నక్కల మీదకు వస్తే వార్ అవ్వద్దురా లఫూట్.. హంటింగ్ అంటారు అని తనదైన శైలిలో డైలాగ్ చెప్పి యాక్షన్ సీన్ తో వీడియోలో అదరగొట్టడం జరిగింది. దర్శకుడు బాబీ బాలకృష్ణని చాలా స్టైలిష్ గా చూపించారు.
దీంతో “NBK 109” గ్లింప్స్ వీడియో చాలా వైరల్ గా మారింది. బాలయ్య లుక్ కూడా చాలా యంగ్ గా కనిపిస్తోంది. ఈ సినిమా షూటింగ్ శరవేగంగా జరుపుకుంటుంది. అయితే ఏపీలో ఎన్నికలు దగ్గర పడుతున్న నేపథ్యంలో ప్రస్తుతం ఈ సినిమా షూటింగ్ కి బాలయ్య గ్యాప్ ఇవ్వటం జరిగింది. ఏపీలో జరగబోయే ఎన్నికలలో హిందూపురం నియోజకవర్గం నుండి మూడోసారి ఎమ్మెల్యేగా బాలకృష్ణ పోటీ చేస్తున్నారు. దీంతో తెలుగుదేశం పార్టీ ప్రచార కార్యక్రమాల్లో బిజీ బిజీగా తిరుగుతున్నారు.
ఇదిలా ఉంటే 1980 స్టోరీతో ఫుల్ యాక్షన్ తో కూడిన సబ్జెక్టుతో… డైరెక్టర్ బాబీ ఈ సినిమా తెరకెక్కించినట్లు సమాచారం. అఖండ తర్వాత వీరసింహారెడ్డి, భగవంత్ కేసరి మూడు సినిమాలతో హ్యాట్రిక్ విజయం అందుకోవడం జరిగింది. ఈ మూడు సినిమాలు బ్యాక్ టు బ్యాక్ 100 కోట్ల కలెక్షన్స్ కలెక్ట్ చేయడం జరిగింది. దీంతో బాబీ దర్శకత్వంలో చేస్తున్న “NBK 109″పై నందమూరి ఫ్యాన్స్ భారీ అంచనాలు పెట్టుకున్నారు. తాజాగా విడుదలైన గ్లింప్స్ వీడియో అంచనాలను మరింత పెంచేయడం జరిగింది.
Balakrishna: బాలకృష్ణ చేసిన ఆ పనికి నేను ఎప్పుడూ రుణపడి ఉంటా.. బుల్లితెరపై కంటతడి పెట్టిన ఉదయభాను..!