Chiranjeevi: హీరోయిన్ త్రిషకు గిఫ్ట్ ఇచ్చిన మెగాస్టార్ చిరంజీవి..!!

Chiranjeevi: మెగాస్టార్ చిరంజీవితో హీరోయిన్ త్రిష “విశ్వంభర” అనే సినిమా చేస్తున్న సంగతి తెలిసిందే. ఇటీవలే ఈ సినిమా రెగ్యులర్ షూటింగ్ లో త్రిష పాల్గొనడం జరిగింది. ఈ క్రమంలో సినిమా సెట్స్ లోకి వచ్చినా సమయంలో త్రిషకి చిరంజీవి గిఫ్ట్ ఇచ్చారు. ఈ విషయాన్ని ఆమె తన సోషల్ మీడియా వేదికగా అభిమానులతో పంచుకున్నారు. మెగాస్టార్ తనకు టెంపరేచర్ కంట్రోల్డ్ మగ్ ను బహుమతిగా ఇచ్చినట్లు స్పష్టం చేశారు. వశిష్ట దర్శకత్వంలో తెరకెక్కుతున్న “విశ్వంభర” వచ్చే ఏడాది జనవరిలో రిలీజ్ కాబోతోంది. ఇటీవల సినిమా రెగ్యులర్ షూటింగ్ స్టార్ట్ అయ్యింది.

గత ఏడాది అక్టోబర్ మాసంలో మొదటి షెడ్యూల్ కంప్లీట్ చేసుకోవడం జరిగింది. ఆ తర్వాత చిరంజీవికి మోకాలు సర్జరీ జరగడంతో పాటు వరుణ్ తేజ్ పెళ్లి సంక్రాంతి పండుగ హడావిడి కార్యక్రమలు మొత్తం అయిన తర్వాత షూటింగ్ స్టార్ట్ అయ్యింది. చిరంజీవి కెరియర్ లో అత్యంత హైబడ్జెట్ మూవీగా “విశ్వంభర” షూటింగ్ జరుపుకుంటుంది. ఈ సినిమాలో త్రిషతో పాటు మరో ముగ్గురు హీరోయిన్స్ కూడా నటించబోతున్నారు. సోషియో ఫాంటసీ నేపథ్యంలో షూటింగ్ జరుపుకుంటున్న ఈ సినిమాకి ఆస్కార్ అవార్డు గ్రహీత ఎంఎం కీరవాణి సంగీతం అందిస్తున్నారు.

“విశ్వంభర”లో గ్రాఫిక్స్ వర్క్ కి పెద్దపీట వేయడం జరిగింది అంట. సినిమాలో బడ్జెట్ అత్యధిక శాతం.. విజువల్ ఎఫెక్ట్స్ కి ఖర్చు చేయబోతున్నారట. ఒకప్పుడు చిరంజీవి నటించిన “జగదేకవీరుడు అతిలోకసుందరి” సినిమా తరహాలో “విశ్వంభర” ఉండనందని ఇండస్ట్రీ వర్గాలు అంటున్నాయి. ఈ సినిమా కోసం చిరంజీవి చాలా స్లిమ్ అయ్యారు. డైరెక్టర్ వశిష్ట… కళ్యాణ్ రామ్ తో తీసిన “బింబిసారా” సూపర్ డూపర్ హిట్ కావటం తెలిసిందే. ఇప్పుడు అదే తరహా సబ్జెక్టుతో చిరంజీవితో సినిమా చేస్తూ ఉండటంతో “విశ్వంభర” పై మెగా ఫ్యాన్స్ భారీ అంచనాలు పెట్టుకోవడం జరిగింది.