Game Changer: గ్లోబల్ స్టార్ రామ్ చరణ్ పుట్టినరోజు వేడుకలు అంగరంగ వైభవంగా జరిగాయి. కూతురు పుట్టిన తర్వాత వచ్చిన జన్మ దినోత్సవ తొలి గడియలు తిరుమల పుణ్యక్షేత్రంలో గడిపేలా ప్లాన్ చేసుకున్నారు. మార్చి 27 ఉదయమే తిరుమలలో శ్రీవారిని కుటుంబ సమేతంగా దర్శించుకున్నారు. కాగా అదే రోజు సాయంత్రం హైదరాబాద్ లో అభిమానులు చరణ్ బర్త్ డే వేడుకలు ఘనంగా నిర్వహించడం జరిగింది. ఈ కార్యక్రమానికి హీరో మంచు మనోజ్, నిఖిల్, కిరణ్ అపవరం వచ్చారు. దర్శకులు బుచ్చిబాబు, బాబీ హాజరయ్యారు. ఇదే కార్యక్రమానికి నిర్మాత దిల్ రాజు కూడా రావడం జరిగింది. ఈ సందర్భంగా అభిమానులు “గేమ్ చేంజర్” విడుదల తేదీ గురించి చెప్పాలని దిల్ రాజుని కోరారు.
అయితే ఈ చిత్రానికి సంబంధించి ఎలాంటి లీకులు ఇవ్వలేనని స్పష్టం చేశారు. డైరెక్టర్ శంకర్ ఇవ్వమంటేనే ఇస్తానని చెప్పారు. “RRR” తర్వాత చరణ్ నటిస్తున్న “గేమ్ చేంజర్” కూడా అదే రేంజ్ లో ఉండే విధంగా దర్శకుడు సినిమా తీస్తున్నట్లు స్పష్టం చేశారు. కచ్చితంగా నాలుగైదు నెలలు లోపు సినిమా విడుదల అయ్యే అవకాశం ఉందని స్పష్టమైన తేదీ మాత్రం చెప్పలేమని అన్నట్టు దిల్ రాజు వ్యాఖ్యానించారు. అంతేకాకుండా చరణ్ జన్మదినోత్సవం సందర్భంగా విడుదల చేసిన “జరగండి” సాంగ్ పై షాకింగ్ కామెంట్స్ చేశారు. కచ్చితంగా చెబుతున్న ఈ సాంగ్ అభిమానులను ఎంతగానో ఎంటర్టైన్మెంట్ చేస్తది. “జరగండి” సాంగ్ కి థియేటర్లు దద్దరిల్లిపోతాయి.
ఈ సాంగ్ లో చూసింది కొంతే… థియేటర్ లో ప్రేక్షకులు స్టెప్పులు వేస్తారు అని నిర్మాత దిల్ రాజు సంచలన స్పీచ్ ఇచ్చారు. మొత్తం మీద చూసుకుంటే ఈ ఏడాది సెప్టెంబర్ నెలలో “గేమ్ చేంజర్” విడుదల అయ్యే అవకాశం ఉన్నట్లు వార్తలు వినిపిస్తున్నాయి. సినిమాలో చరణ్ మూడు విభిన్నమైన పాత్రలు చేయడం జరిగింది. కియారా అద్వానీ హీరోయిన్ గా చేస్తుంది. ఎస్ జె సూర్య విలన్ పాత్ర చేయడం జరిగింది. తమన్ మ్యూజిక్ అందించారు. ఇంకా రెండు నెలల పాటు షూటింగ్ జరగనున్నట్లు తర్వాత మిగతా బ్యాలెన్స్ వర్క్ కంప్లీట్ అయ్యి నాలుగు లేదా ఐదు నెలలలో “గేమ్ చేంజర్” రిలీజ్ అయ్యే అవకాశం ఉందని దిల్ రాజు స్పష్టం చేశారు.
Heeramandi: హిరామండి సిరీస్ లో గోల్డ్ సీన్స్ చేయడానికి కారణం ఇదే.. అసలు నిజాలను బయటపెట్టిన సోనాక్షి సిన్హా..!