మ‌హేశ్ ఫ్యాన్స్‌కి జల‌క్‌!

సూప‌ర్‌స్టార్ మ‌హేశ్ అభిమానుల‌కు చిన్న‌పాటి జ‌ల‌క్ త‌గిలింది. ఇంత‌కు ఆ జ‌ల‌క్ ఇచ్చిందెవ‌రో తెలుసా!.. యూ ట్యూబ్‌. ఇంత‌కు యూ ట్యూబ్ ఏం చేసింద‌నే వివ‌రాల్లోకెళ్తే.. మ‌హేష్ 26వ చిత్రం `స‌రిలేరు నీకెవ్వ‌రు`. ఇందులో ఆయ‌న ఆర్మీ ఆఫీస‌ర్ పాత్ర‌లో క‌న‌ప‌డ‌బోతున్నారు. అయితే జ‌వాన్ల త్యాగాల‌ను గుర్తు చేసేలా ఈ చిత్రం యూనిట్ టైటిల్ సాంగ్‌ను ఆగ‌స్ట్ 15న విడుద‌ల చేసింది. అంద‌రూ ఆ ట్రాక్ బావుంద‌ని అప్రిషియేట్ చేశారు. అయితే సింగ‌ర్ అర్జున్ మీన‌న్ మాత్రం కాపీ రైట్స్ కేసుని ఫైల్ చేశార‌ట‌. దీంతో యూ ట్యూబ్ `స‌రిలేరు నీకెవ్వ‌రు` టైటిల్ సాంగ్‌ను త‌న మాధ్య‌మం నుండి తొల‌గించేసింది. ఇది ఓ ర‌కంగా మ‌హేశ్ అభిమానులకు మింగుడ‌ప‌డ‌ని వ్య‌వ‌హార‌మే.